Вы тут

Трапіць у модныя сеткі


Як прайшоў чарговы беларускі Тыдзень моды.


Напачатку мая Мінск стаў цэнтрам прыцягнення прыгажуць з усёй краіны. 14 сезон Belarus Fashion Week сабраў больш за 60 мадэльераў і незлічоную колькасць гасцей. Свабодных месцаў у зале не было ( прычым у будні і ў выходныя!). Госці рабілі сэлфі, абмяркоўвалі апошнія навіны моднай індустрыі і сачылі за самымі “салодкімі” трэндамі.

Навінка вясновага моднага сезону ВFW -- fashion-інсталяцыя. Прэзентацыі капсульных калекцый маладых дызайнераў нагадвалі спектаклі з мудрагелістымі дэкарацыямі і сабралі шмат гледачоў. Для такога шоў трэба менш адзення, чым для паўнавартаснай калекцыі, з якой выходзяць на подыум. Ды і знікаюць самі мадэлі  не ў імгненне вока – разглядай ды ацэньвай.

Шмат паказаў аддалі менавіта беларускім дызайнерам. Гледачы пераканаліся: наша мода прывабная, даступная, папулярная. Адзенне не толькі на любы густ, але і на любы кашалёк. Дарэчы, купіць “гарачыя” навінкі акурат з паказаў можна ў сталічным ТЦ, дзе адкрыўся SHOWROOM Belarus Fashion Week.

Але і пра замежых гасцей не забыліся. Італьянскі дызайнер Лучыяно Парысі прывёз у Мінск бунтарскую калекцыю "WHO DARES WINS". Малады хлопец здзіўляў гледачоў іранічнымі надпісамі на адзенні і яркімі колерамі. Ды і ад самаго Лучыяно вачэй было не адвесці --  вялізныя завушніцы,  нашыйнік з шыпамі, а на  чырвонай футболцы -- серп і  молат.

Новыя зоркі ў айчынай модзе запаліў традыцыйны конкурс маладых дызайнераў New Names BFW. З васьмі фіналістаў пашчасціла тром. У намінацыі «Лепшая мужчынская калекцыя» перамаглі Эно Эніекпон і Юлія Акула. Лепшай жаночай калекцыяй назвалі дуэт Алёны Кароль і Аляксандра Шпунтавога. У хуткім часе яны распрацуюць разам з вядомым айчынным брэндам Mark Formelle  мужчынскую і жаночую калекцыю адзення і запусцяць яе ў вытворчасць. 

Фінальным акордам Тыдня моды стаў конкурс «Fashion Aids Line». Прайшоў ён пад дэвізам: “Ведаць свой ВІЧ-статус -- модна! ”. 22 дызайнера, натхнёныя сімвалам ЮНЭЙДС (чырвонай стужкай з беларускім арнаментам) стварылі адмысловыя строі, каб яшчэ раз звярнуць увагу на праблему барацьбы з ВІЧ / СНІДам.

Сяргей Кручынін, кансультант па камунікацыі і працы з грамадскасцю ЮНЭЙДС у Беларусі, адзначыў, што такія акцыі дапамагаюць нам зразумець, што ВІЧ-інфекцыя не смяротны прысуд, а хранічнае захворванне:

-- На жаль, мы ўсё яшчэ змагаемся за правы людзей, якія жывуць з ВІЧ. Нашы мадэлі выходзілі на подыўм у масках.  Гэта адметны знак, бо шматлікія людзі са станоўчым ВІЧ-статусам  адчуваюць сябе небяспечна. Мы павінны іх падтрымаць.

Гран-пры атрымалі адразу тры адметныя вобразы ад Historia Naturalis, ScapegoaT_404 і Davidova. Ужо ў настыпным годзе дызайнеры прадставяць свае калекцыі на міжнароднай канферэнцыі па ВІЧ ў Маскве і паўдзельнічаюць у майстар-класе ад аднаго з заканадаўцаў моды:  Вікторыі Бэкхэм альбо Кэнэт Коўл.

А мы будзем чакаць восені, каб з галавой акунуцца ў новы сезон моднага фестывалю.

Фота: прэс-цэнтр Belarus Fashion Week 

 

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?