На днях у Мінску спявалі патрыятычныя песні, выпускалі ў неба паветраныя шарыкі і хорам выконвалі гімн. Усё гэта адбывалася ў межах патрыятычнай акцыі «Слаўся, зямлі нашай светлае імя!», якую зладзіла Белтэлерадыёкампанія пры садзеянні Мінгарвыканкама. Удзел у свяце, паводле падлікаў арганізатараў, узяло больш за 3,5 тысячы мінчан і гасцей сталіцы.
Галоўнымі ўдзельнікамі патрыятычнай акцыі сталі дыпламанты аднайменнага музычнага конкурсу Першага нацыянальнага канала радыё на лепшае арыгінальнае выкананне Дзяржаўнага гімна. Таксама перад прысутнымі выступілі аўтар слоў беларускага гімна Уладзімір Карызна, заслужаная артыстка Беларусі, дэпутат Палаты прадстаўнікоў і член журы конкурсу Ірына Дарафеева, салісты Нацыянальнага акадэмічнага Вялікага тэатра оперы і балета — народная артыстка Анастасія Масквіна і Станіслаў Трыфанаў, лаўрэат міжнароднага дзіцячага конкурсу «Славянскі базар» Анастасія Жабко, артысты Маладзёжнага тэатра эстрады і іншыя выканаўцы, якія прадставілі літаратурна-музычную кампазіцыю з песень і вершаў беларускіх аўтараў пра Радзіму. Кульмінацыяй ушанавання галоўных дзяржаўных сімвалаў стала сумеснае выкананне гімна Беларусі ўсімі ўдзельнікамі пад акампанемент сімфанічнага аркестра Белтэлерадыёкампаніі. Дарэчы, тэлеверсію акцыі медыяхолдынг неўзабаве плануе паказаць у эфіры.
Вікторыя ЗАХАРАВА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.