19 Кастрычнік, чацвер

Вы тут

Патрыятычна-асветніцкую акцыю "Вязынка —2017” арганізуе БДУ


Дзеянні разгорнуцца на малой радзіме народнага паэта Беларусі Янкі Купалы ў вёсцы Вязынка ў Маладзечанскім раёне 20 мая. Пачатак у 12.00.


Фота: domotel.by

У гэтым годзе акцыя прымеркаваная да 135-годдзя класікаў беларускай літаратуры Янкі Купалы і Якуба Коласа і 500-годдзю беларускага кнігадрукавання. Яе ўдзельнікамі стануць кіраўнікі, выкладчыкі, супрацоўнікі і студэнты філалагічнага факультэта. У якасці гасцей запрошаны дэканы гуманітарных факультэтаў БДУ, а таксама курсанты ваеннага факультэта Беларускай дзяржаўнай акадэміі авіяцыі.

У праграму ўключаны экскурсія ў Дзяржаўны літаратурны музей Янкі Купалы і ўскладанне кветак да помніка вялікаму паэту. Затым ўсе збяруцца на сімвалічнай гары Парнас.Тут стартуе спартыўна-забаўляльнае свята. Дэкан філалагічнага факультэта Іван Роўда сустрэнецца на футбольным полі са студэнтамі БДУ. Усіх удзельнікаў чакаюць таксама спартыўнае  арыентаванне, анімацыйнае прадстаўленне, выкананне вершаў і песень у вогнішча і многае іншае.

Традыцыя правядзення злётаў на радзіме Янкі Купалы была заснаваная студэнтамі і выкладчыкамі філалагічнага факультэта БДУ. Упершыню акцыя прайшла ў 1976 годзе. Удзельнік першай “Вязынкі”, дацэнт кафедры гісторыі беларускай літаратуры Уладзімір Кароткі ўспамінае: "Выезд ў Вязынку арганізоўваўся вельмі ўрачыста. Ад факультэта да чыгуначнага вакзала праводзілася шэсце са сцягамі і транспарантамі, у электрычцы філолагі займалі некалькі вагонаў. Дарога да купалаўскай радзімы напаўняліся звонкімі студэнцкіімі галасамі: песні, жарты, вясёлы смех. Праграма ў Вязынцы спалучала афіцыйную частку, калі ўскладаліся кветкі да помніка Песняру, чыталіся вершы самога Янкі Купалы, і конкурсную: інсцэніроўку песень, чытанне вершаў, пастаноўку сцэнак, прадстаўленне насценгазет будаўнічых атрадаў, разнастайныя спартыўныя спаборніцтвы “.

Акцыя адрадзілася ў пачатку XXI стагоддзя і паступова набыла статус агульнауніверсітэцкай.

Надзея НІКАЛАЕВА

Дадаць каментар

Выбар рэдакцыі

Грамадства

Арыгінальныя лекі ці джэнерыкі?

Арыгінальныя лекі ці джэнерыкі?

Які шлях абраць, каб не адстаць ад канкурэнтаў.

Грамадства

У старажытным Нясвіжы распачалася новая праваслаўная трыдыцыя

У старажытным Нясвіжы распачалася новая праваслаўная трыдыцыя

У мінулую нядзелю прайшоў хросны ход у гонар Абраза Багародзіцы Адзігітрыі. 

Грамадства

Гісторыі беларусаў, якія працуюць пасля 90 гадоў

Гісторыі беларусаў, якія працуюць пасля 90 гадоў

«Інтэрв'ю? Ну, толькі калі хутка, а то ў мяне вельмі шмат работы», — сказаў адзін з нашых герояў, калі тэлефанавалі дамовіцца на сустрэчу.