Самы вялікі народны музей адкрыўся ў правінцыі Цынхай

У правінцыі Цынхай афіцыйна адкрыўся самы вялікі па плошчы народны музей - Фальклорны музей Юнлу, перадае "Жэньмінь жыбаа" анлайн". 

У ім прадстаўлены прадметы мастацтва і мэбля з эбенавага дрэва і кітайскага лаўра. Па словах інвестара музея Бай Юнлу, плошча музея складае больш за 200 га. У ім размешчаны павільёны, у якіх паказаны мастацкія творы з эбенавага дрэва і кітайскага лаўра. Акрамя таго, у музеі таксама можна ўбачыць кітайскую традыцыйную мэблю, будыйскую залу, павільён культуры і народных традыцый народнасцяў даліны ракі Хуаншуй і раёна яе ўпадзення ў Хуанхэ. 

Фальклорны музей Юнлу знаходзіцца ў сяле Маньпін аўтаномнага павета народнасцяў Хуэй і Тую правінцыі Цынхай. Ён з'яўляецца аб'ектам першай катэгорыі ў турыстычным раёне Кангэда. Інвестыцыі ў музей склалі больш за 400 млн. юаняў. У пераспектыве на яго базе плануецца стварыць фальклорны культурны парк.