Раім схадзіць

Дзень прыгажосці ў ГЦ «Скала», велашкола ў парку Янкі Купалы, фестываль «Эпоха рыцарства» і World Press Photo 2017 – афіша «Звязды» з 22 па 28 мая.

Дзень прыгажосці

Дзе: ГЦ «Скала» (вул. Глебкі, 5)

Калі: 25 мая, 9:00

Колькі каштуе: бясплатна

У гэты дзень у гандлёвым цэнтры вас будзе чакаць бьюці-зона, дзе прафесійныя візажысты зробяць усім жадаючым экспрэс-макіяж, таксама пройдуць майстар-клас па візажу і кансультацыя па ювелірным упрыгожванням, фітнес кансультацыі.

Можна будзе атрымаць прыемныя зніжкі і сюрпрызы ад салонаў і магазінаў.

Велашкола

Дзе: Парк Янкі Купалы (г. Мінск)

Калі: 25 мая-31 жніўня, 18:00

Колькі каштуе: бясплатна

Некамерцыйны сацыяльны праект «Велашкола. Мінск» ужо чацвёрты сезон вучыць людзей розных узростаў у незалежнасці ад наяўнасці ровара катацца. Праект працуе бясплатна, таму адзінае, што вам трэба зрабіць, – прыйсці на занятак з 18:00 да 20:00 у чацвер або пятніцу ў парк Янкі Купалы.

Для вашага навучання тут ёсць усё неабходнае: ровары, на якіх лёгка вучацца, абарона і шлем – для вашага спакою.

Фестываль гістарычнай рэканструкцыі «Эпоха рыцарства»

Дзе: Музей народнай архітэктуры і побыту (в. Азярцо)

Калі: 27-28 мая, 12:00

Колькі каштуе: 15 р. – дарослыя, 8 р. – дзеці

Асноўная ідэя фестывалю: паглыбленне ў гісторыю заходнееўрапейскага і беларускага Сярэднявечча – гістарычная рэканструкцыя турніраў і бітваў рыцараў, сярэднявечнай музыкі і танцаў, паходнага побыту.

У праграме фестывалю: відовішчныя паядынкі рыцараў, масавыя бітвы пешых рыцараў, турнір конных рыцараў, турнір сярэднявечных лучнікаў, кірмаш рамеснікаў, выступленні музычных гуртоў (сярэднявечная і фолк-музыка), вулічнага тэатра, тэатраў сярэднявечнага танца (калектывы з Беларусі і ансамбль старадаўняга танца «Стэла», Cанкт-Пецярбург), экскурсіі па музеі, катанне на конях і анімацыі для дзяцей.

Хэдлайнер музычнай частцы фестывалю – гурт сярэднявечнай беларускай музыкі «Стары Ольса».

Выстава «Фарбы душы»

Дзе: Музей гісторыі беларускага кіно (вул. Свярдлова, 4)

Калі: па 4 чэрвеня

Колькі каштуе: 5 р. – дарослыя, 2,50 р. – студэнты, 2 р. – школьнікі, пенсіянеры

У гэтым годзе праекту «Фарбы душы» спаўняецца дзесяць гадоў. З 18 мая па 4 чэрвеня ён зноў збярэ ў выставачнай зале Музея гісторыі беларускага кіно самых таленавітых майстроў Беларусі і блізкага замежжа.

Таксама на выставе прадстаўлены работы майстроў з каманды Capeline Club (Паліны Кузняцовай і Таццяны Івановай), якія дапамагалі экраннаму ўвасабленню вобразаў герояў класічнага рамана «Ганна Карэніна» ў новым тэлефільме Карэна Шахназарава. І на створаныя гэтай камандай капялюшыкі сапраўды варта зірнуць!

World Press Photo 2017

Дзе: ЦЭХ(вул. Кастрычніцкая, 16)

Калі: па 24 мая, 12:00-21:00

Колькі каштуе: 5 р. – дарослыя, 2,50 р. – студэнты, пенсіянеры

З 4 па 24 мая ў Мінску праходзіць міжнародная выстава World Press Photo 2017, на якой можна пабачыць найлепшыя сусветныя прэс-фатаграфіі 2016 года. 

Фотаконкурс World Press Photo у гэтым годзе сабраў 5034 фатографаў з 126 краінаў, якія заявілі на конкурс 80 408 выяваў. Журы, у склад якога ўвайшлі 20 аўтарытэтных фатографаў, фотарэдактараў і куратараў фотавыставаў з усяго свету, узнагародзіла 45 фатографаў з 25 краін. Тытул «Сусветнае прэс-фота года» атрымала праца Бурхана Эзбіліджы. Гэты турэцкі фатограф зрабіў для The Associated Press серыю здымкаў забойства расійскага пасла Андрэя Карлава ў мастацкай галерэі ў Анкары.

Музей марозіва «Белы полюс»

Дзе: Galleria Minsk (пр-т Пераможцаў, 9)

Калі: па 31 ліпеня, 10:00-22:00

Колькі каштуе: 5 р., 3 р. – дзеці

10 тон прысмакаў, гай з эскімо ў чалавечы рост, міні-фабрыка па вытворчасці марозіва і яшчэ больш за паўсотні экспанатаў, а на дэсерт – новы гатунак аднайменнага пламбіру «Белы полюс» у падарунак усім наведвальнікам. Усё гэта чакае вас да канца ліпеня ў ТЗЦ Galleria Minsk. 

Выстава «Вялікі Рэмбрант»

Дзе: Нацыянальны мастацкі музей (вул. Леніна, 20)

Калі: па 3 ліпеня, 11:00-19:00

Колькі каштуе: 12 р., 6 р. – школьнікі; 15 р. (выхадны дзень), 7 р. – школьнікі (выхадны дзень)

5 мая ў Нацыянальным мастацкім музеі Рэспублікі Беларусь пачала сваю працу выстава «Вялікі Рэмбрант». Гэта першая поўнамаштабная выстава гравюры вялікага галандца Рэмбранта ў Мінску. Шэсцьдзесят дзевяць арыгінальных графюр прывезены ў музей з італьянскай прыватнай калекцыі Элізы Марэці.

Выстава «Забытыя казкі»

Дзе: Нацыянальны мастацкі музей (вул. Леніна, 20)

Калі: па 28 мая, 10:00-19:00

Колькі каштуе: удакладняць у касе

28 красавіка адкрылася персанальная выстава Сяргея Каваля «Забытыя казкі».

У экспазіцыі прадстаўлена каля дваццаці жывапісных твораў аўтара, якія створаны ім у асноўным на працягу апошніх некалькіх гадоў.

Выстава «Мастак і горад»

Дзе: Плошчу Якуба Коласа (Мінск)

Калі: па 9 верасня

Колькі каштуе: бясплатна

27 красавіка на плошчы Якуба Коласа ў чарговы раз адкрыўся выяўленчы праект «Мастак і горад».

Выстава ўпрыгожвае плошчу Якуба Коласа на працягу 4 месяцаў ужо 6 гадоў запар. У гэтым годзе ў рамках трыенале сучаснага мастацтва на экспазіцыі пад адкрытым небам будуць прадстаўлены работы 35 беларускіх жывапісцаў.