Вы тут

Беларускі дзіцячы хоспіс пачне новую выязную праграму


Беларускі дзіцячы хоспіс пачынае гэтай восенню новую выязную праграму «Мабільная паліятыўная абілітацыя».


Прычынай распрацоўкі праграмы стала адсутнасць комплекснай рэабілітацыі для дзяцей «без рэабілітацыйнага патэнцыялу». Гэта вельмі цяжкія пацыенты, чый тэрмін жыцця абмежаваны, у каго ёсць захворванне, якое пагражае жыццю. А такіх нямала — анкалагічныя, метабалічныя, храмасомныя, генетычныя, ВІЧ/СНІД і г. д. — і таму яны пераведзены ў паліятыўную групу. У такіх выпадках гэта ўжо не рэабілітацыя ў поўным сэнсе слова, а менавіта абілітацыя, якая паляпшае якасць жыцця і пацыента, і яго блізкіх. Не сакрэт, што звычайныя рэабілітолагі не валодаюць навыкамі работы з гэтай катэгорыяй дзяцей. Тое, што спрабуюць прымяняць, прычыняе пацыентам боль, стрэс і страх. Але ўсё можа быць іначай.

Сёння ў краіне каля 3 тысяч дзяцей, а па неафіцыйных звестках — каля 5 тысяч (на жаль, дакладнай статыстыкі менавіта па такіх пацыентах не існуе, дзяржаўны рэгістр будзе стварацца па меры рэалізацыі праграмы) маюць патрэбу ў паліятыўнай дапамозе. Такую дапамогу можна аказваць у спецыялізаваных установах, медустановах і дома. Прыярытэтным ва ўсім свеце з'яўляецца аказанне паліятыўнай дапамогі дома, што найбольш зручна для ўсёй сям'і.

Пад апекай Беларускага дзіцячага хоспіса знаходзіцца толькі невялікая частка — ад 150 да 250 сем'яў, якія жывуць у Мінску. Спецыялісты хоспіса азнаёміліся з перадавымі практыкамі дзякуючы брытанскім фізіятэрапеўтам і таксама вырашылі ўкараніць абілітацыю дома, каб усе дзеці, якім неабходна фізічная тэрапія, атрымлівалі яе — незалежна ад месца пражывання сям'і. Адна з кампаній праводзіць зараз збор грашовых сродкаў на набыццё аўтамабіля.

— Аўтамабіль са спецыяльным абілітацыйным абсталяваннем і двума фізіятэрапеўтамі будзе выязджаць у горад або іншы населены пункт на пяць працоўных дзён, — тлумачыць дырэктар Беларускага дзіцячага хоспіса Ганна ГАРЧАКОВА. — Мясцовыя каардынатары падрыхтуюць тым часам спісы дзяцей, да 12 чалавек, якім неабходна паліятыўная абілітацыя. Нашы спецыялісты будуць праводзіць на месцы кансультацыі, працаваць з дзецьмі, навучаць бацькоў і мясцовых спецыялістаў. Індывідуальны гадавы план абілітацыі ўключае пры неабходнасці і знаходжанне ў стацыянары або аддзяленні дзённага знаходжання Рэспубліканскага клінічнага цэнтра паліятыўнай медыцынскай дапамогі дзецям. Праз тыдзень схема паўтараецца, але ўжо ў іншай кропцы вобласці, а пасля і ў іншай вобласці. У будучым мы плануем запусціць 2—3 аўтамабілі, каб ахапіць такой праграмай як мага большую колькасць дзяцей.

Святлана БАРЫСЕНКА

protas@zviazda.by

Загаловак у газеце: Ратавальны аўтамабіль

Выбар рэдакцыі

Грамадства

Не трапіць у рабства анлайн. Як у краіне змагаюцца з гандлем людзьмі

Не трапіць у рабства анлайн. Як у краіне змагаюцца з гандлем людзьмі

З 2000 года ў Беларусі выяўлена 4421 злачынства, звязанае з гандлем людзьмі.

Эканоміка

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Дзесяць пытанняў пра крэдыты, або Што трэба ведаць аб крэдыце, каб ён стаў сродкам рэалізацыі мэт, а не цяжарам на плячах

Пра што абавязкова трэба падумаць перад тым, як браць на сябе фінансавыя абавязацельствы перад банкам?

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.