Вы тут

Разбітае сэрца Манчэстэра


Брытанская паліцыя паведаміла, што, па апошніх даных, у выніку меркаванага на дадзены момант тэракта на «Манчэстэр-арэне» загінулі 22 чалавекі, у тым ліку некалькі дзяцей. Атаку ажыццявіў адзін чалавек, які таксама загінуў, пацвердзілі ў паліцыі. Высвятляецца, ці мог ён быць звязаны з іншымі зламыснікамі.


Пра гэта заявіў кіраўнік паліцыі горада Іэн Хопкінс. Паводле яго слоў, сярод загінулых — некалькі дзяцей. Раней паведамлялася пра 19 ахвяр меркаванага тэракта. Колькасць параненых, якія шпіталізаваныя, склала 59 чалавек.

Паліцыя лічыць, што чалавек, які ажыццявіў выбух, пранёс у канцэртную залу выбуховае прыстасаванне і прывёў яго ў дзеянне. Ён таксама загінуў. Цяпер паліцэйскія спрабуюць высветліць, ці былі ў яго саўдзельнікі, якія не прымалі непасрэднага ўдзелу ў нападзе.

«На гэтым этапе расследавання мы мяркуем, што напад ажыццявіў адзін чалавек, — сказаў Хопкінс. — Цяпер самае галоўнае ўстанавіць, дзейнічаў ён у адзіночку ці быў часткай тэрарыстычнай сеткі». Кіраўнік паліцыі не ўдакладніў, ці знойдзены на месцы трагедыі цела нападніка або фрагменты выбуховага прыстасавання. Ён таксама адмовіўся адказваць на пытанне аб грамадзянстве і нацыянальнасці чалавека, які ажыццявіў тэракт.

Па словах Іэна Хопкінса, «гэта было самае жахлівае здарэнне з усіх, якія калі-небудзь бачыў горад». Паліцыя заклікае грамадзян не рабіць заўчасных высноў аб тым, хто нападаў, і яго матывах.

Прэзідэнт Беларусі Аляксандр Лукашэнка ад імя беларускага народа і сябе асабіста выказаў спачуванні Каралеве Злучанага Каралеўства Вялікабрытаніі і Паўночнай Ірландыі Лізавеце ІІ, родным і блізкім загінулых у выніку тэракта ў Манчэстэры, паведамілі ў прэс-службе беларускага лідара.

«Да глыбіні душы ўзрушаны жудаснай трагедыяй на стадыёне «Манчэстэр-арэна», у выніку якой загінулі і пацярпелі нявінныя людзі», — гаворыцца ў спачуванні.

Беларусы падзяляюць гора і боль сем'яў ахвяр, смуткуюць разам з усім народам Злучанага Каралеўства. «Мы рашуча асуджаем учынены тэрарыстычны акт, як і ўсе формы тэрарызму, экстрэмізму і рэлігійнага радыкалізму», — падкрэсліў Аляксандр Лукашэнка. Ён адзначыў, што запалохванне грамадства не можа быць сродкам дасягнення якіх бы там ні было мэт.

Брытанскі прэм'ер Тэрэза Мэй выступіла з кароткай заявай, у якой ахарактарызавала здарэнне як «жахлівую тэрарыстычную атаку». «Мы глыбока суперажываем ахвярам, родным і сваякам пацярпелых», — падкрэсліла Тэрэза Мэй. У знак жалобы над рэзідэнцыяй прэм'ер-міністра на Даўнінг-стрыт быў прыспушчаны дзяржаўны сцяг.

Прэзідэнт ЗША Дональд Трамп назваў арганізатараў выбуху ў Манчэстэры «злавеснымі лузерамі». «Я не буду называць іх пачварамі, таму што ім спадабаецца такі ярлык. Я называю іх лузерамі», — сказаў амерыканскі прэзідэнт падчас свайго візіту ў Віфлеем. Прэзідэнт Трамп таксама паведаміў, што «злавесная ідэалогія павінна быць цалкам знішчана». «Наша грамадства не можа прыняць працяг гэтага кровапраліцця», — сказаў ён падчас сустрэчы з палесцінскім лідарам Махмудам Абасам.

Тым часам паліцыя Манчэстэра арыштавала ў паўднёвай частцы горада 23-гадовага мужчыну ў рамках расследавання тэракта на стадыёне «Манчэстэр-арэна», паведамляюць інфармагенцтвы. Затрыманы падазраецца ў датычнасці да тэракту.

Вядома таксама, што арышты былі праведзены ў раёнах Чорлтана і Эштана. Па апошніх даных паліцыі, затрыманыя некалькі чалавек.

Кансерватары, лейбарысты і іншыя буйныя партыі Вялікабрытаніі прыпынілі свае перадвыбарчыя кампаніі перад усеагульнымі выбарамі 8 чэрвеня пасля выбуху на «Манчэстэр-арэне».

Калі ў ходзе следства версія тэракта не будзе аспрэчаная, то выбух у канцэртнай зале «Манчэстэр-арэна» стане самым крывавым тэрактам у Брытаніі пасля выбухаў у ліпені 2005 года ў Лондане, у выніку якіх загінулі больш за 50 чалавек.

Амерыканская поп-спявачка Арыяна Грандэ выказала спачуванні ў сувязі з гібеллю людзей, якія прыйшлі на яе канцэрт у Манчэстэры. Хоць 23-гадовая выканаўца не пацярпела ў выніку нападу, аднак, з яе слоў, яна перажыла моцнае ўзрушэнне. «Разбітае сэрца, мне вельмі-вельмі шкада. У мяне няма слоў», — такое паведамленне апублікавана ў «Твітары» спявачкі.

На канцэрт Арыяны Грандэ, якая карыстаецца вялікай папулярнасцю ў брытанскіх дзяўчатак-падлеткаў, сабраліся ў асноўным маладыя людзі, было шмат школьнікаў.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.