Жыхар вёскі Пырашава на Лашанскім вадасховішчы ва Уздзенскім раёне вылавіў дзвюма сеткамі каля 15 кілаграмаў рыбы. Затрымлівалі парушальніка, які ўжо паспеў знікнуць з вадаёма, у яго дома.
Мокрыя сеткі сушыліся ў двары, на агароджы вісеў рыбацкі касцюм. А вось сама рыба плавала ў... падвале. Справа ў тым, што з-за павышэння ўзроўню грунтовых вод там утварыўся міні-вадаём, які гаспадар вырашыў ператварыць у жылую сажалку. Праўда, рыба ў ёй ужо была нежывой. Як паведамілі ў дзяржінспекцыі, браканьера прыцягнуць да крымінальнай адказнасці, апроч таго, ён мусіць выплаціць 2,7 тысячы рублёў.
Сяргей РАСОЛЬКА
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».