Нашага земляка, які нарадзіўся на Гомельшчыне.
Зборнік «Спатканне» — гэта не толькі вершаваныя сустрэчы творцы з лірычнай гераіняй кнігі, але і спатканне земляка са сваёй роднай старонкай. Нарадзіўся Анатоль Усаў на Гомельшчыне, у Веткаўскім раёне. Многія гады жыве і працуе ў Маскве. За плячыма — багаты жыццёвы вопыт, удзел у многіх грамадска-палітычных ініцыятывах. Анатоль Усаў часта выступае ў друку па пытаннях беларуска-расійскай інтэграцыі.
А вершы ў зборніку «Спатканне» надрукаваны на беларускай і рускай мовах. Перакладчыкамі твораў таленавітага паэта, члена Саюза пісьменнікаў Расіі выступілі Мікола Мятліцкі, Юлія Алейчанка, Валерыя Саротнік.
Сустрэча з новай кнігай земляка, які працуе ў Маскве, нагадала пра тое, што ў Расійскай Федэрацыі і сёння жыве шмат літаратараў — ураджэнцаў Беларусі. Толькі ў Маскве — паэты Любоў Турбіна, Валерый Ліпневіч, празаікі Алесь Кажадуб, Іван Сабіла, Валерый Казакоў, літаратуразнаўцы Аляксей Каўка, Антаніна Шэлемава. У іншых старонках Расіі — паэты, празаікі, публіцысты Уладзімір Шугля, Сяргей Мартынкевіч ды і шмат хто яшчэ. Чаму б не скласці анталогію іх твораў і не выдаць яе ў Беларусі? Паверце, на кожнай старонцы такога выдання будзе нямала добрых слоў пра родны край, нашу Айчыну.
Сяргей ШЫЧКО
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
