29 мая ў Інстытуце журналістыкі Беларускага дзяржаўнага ўніверсітэта (вул. Кальварыйская, 9, аўд. 528) старшыня Пастаяннай камісіі па адукацыі, культуры і навуцы Палаты прадстаўнікоў Нацыянальнага Сходу Рэспублікі Беларусь Ігар МАРЗАЛЮК сустрэнецца з грамадскімі актывістамі з ліку студэнтаў беларускіх ВНУ і старшакласнікаў Мінска, якія з'яўляюцца прадстаўнікамі Студэнцкай лігі маладых выбаршчыкаў. Пачатак мерапрыемства ў 14 гадзін.
Стасункі з госцем пройдуць у фармаце адкрытага мікрафона. Падчас сустрэчы будуць разгледжаны перспектывы развіцця адукацыі і навукі, удзел моладзі ў палітычным і культурным жыцці, а таксама дадзены рэкамендацыі, як стаць палітыкам у Беларусі.
Мерапрыемства арганізавана ў рамках рэалізацыі праекта “Студэнцкая ліга маладых выбаршчыкаў”. Ён стартаваў 18 лістапада 2016 года на базе факультэта філасофіі і сацыяльных навук БДУ. Нагадаем, што ў цырымоніі адкрыцця праекта прыняла ўдзел старшыня Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў Лідзія Ярмошына.
Надзея НІКАЛАЕВА
Канцэрт для дзяцей і моладзі, пластычны спектакль Ягора Дружыніна і «Рок-панарама».
Выбар саджанца для садавода — той момант, значнасць якога складана пераацаніць.
Актрыса НАДТ імя М. Горкага — пра шлях да сцэны і натхненне.
Тата і мама — два самыя важныя чалавекі ў жыцці кожнага дзіцяці.