Вы тут

Унікальны нумар падпольнай «Звязды» стварылі наведвальнікі музея ВАВ


У імправізаванай рэдакцыі кіпела работа. Рэдактар і наборшчыца, чые ролі выконвалі супрацоўнікі музея, карпелі над першым нумарам падпольнай «Звязды», які выйшаў у маі 1942 года.


Наведвальнікі музея з цікавасцю назіралі за тым, як стваралася газета, якую з нецярпеннем чакалі ў партызанскіх атрадах, чыталі жыхары акупаванай Беларусі, якая ўсяляла такі страх у ворага, што на пошукі падпольнай рэдакцыі нават былі выкліканы вопытныя разведчыкі з Берліна.

Даведаўшыся пра гераічную працу журналістаў-падпольшчыкаў, якія цаной свайго жыцця друкавалі выданне, пра лёс зусім юнага рэдактара першага падпольнага нумара Уладзіміра Амельянюка, амаль кожны хацеў паспрабаваць, хоць і ў далёкіх ад рэальнасці ўмовах, прыняць удзел у дзейнасці імправізаванай рэдакцыі.

Тым больш калі працаваць даводзілася побач з сапраўднымі рарытэтамі: за сталом, крэслам і табурэтам, змешчанымі ў экспазіцыі, у гады вайны рэальна працавалі мінскія падпольшчыкі. Было гэта ў кватэры Таццяны Якавенкі па вуліцы Выдавецкай, 10 (цяпер Кульман), дзе летам 1942 года ствараліся другі і трэці падпольныя нумары беларускамоўнага выдання. Мэблю ў 1967 годзе музею перадала сама гаспадыня.

За некалькі гадзін макет «Звязды» напоўніўся шматлікімі матэрыяламі пра баявую дзейнасць франтавікоў, партызанаў і падпольшчыкаў. Падпольная група «Маленькія чырвонаармейцы», у прыватнасці, напісала заметку аб знішчэнні 103 танкаў і 200 фашыстаў. Карэспандэнт Аляксей Філіповіч тэрмінова тэлеграфаваў: «Узарваў 5 танкаў, планую знішчыць Гітлера». Лаканічным быў і вучань 2-га класа: «Наша падпольная група ўзарвала 80 фашыстаў. Прашу памясціць у газеце».

Вядома, тагачасная «Звязда» наўрад ці магла змясціць такую колькасць інфармацыі. Але галоўнае, удзельнікі імправізацыі зразумелі — кожнае слова, надрукаванае падпольшчыкамі, усяляла ў людзей веру ў будучую Перамогу, заклікала далучацца да ўсенароднай барацьбы. Напамінам пра гэта стануць копіі першага падпольнага нумара, якія атрымалі тыя, хто паспрабаваў сябе ў ролі ваенных карэспандэнтаў.

Вераніка КАНЮТА

kanyuta@zvіazda.by

Фотаздымкі дадзены Белдзяржмузеем гісторыі Вялікай Айчыннай вайны

Загаловак у газеце: Калі слова мацнейшае за зброю

Выбар рэдакцыі

Грамадства

Фітнес-трэнер для матуль у дэкрэце Святлана Немірка распавядае пра сакрэты прафесіі

Фітнес-трэнер для матуль у дэкрэце Святлана Немірка распавядае пра сакрэты прафесіі

Актыўная мама — гэта не толькі трэнд, але і жыццёвая неабходнасць у сучасным свеце.

Грамадства

«Тата вернецца, калі ападуць усе лісцікі». Чаму сямейная падтрымка неацэнная для салдата

«Тата вернецца, калі ападуць усе лісцікі». Чаму сямейная падтрымка неацэнная для салдата

Трывалая сувязь з блізкімі і роднымі вельмі важная для чалавека, які служыць у войску. 

Грамадства

Як у Магілёве, Баранавічах і Чавусах рэалізуецца праект камунальнага кіравання ў гарадах

Як у Магілёве, Баранавічах і Чавусах рэалізуецца праект камунальнага кіравання ў гарадах

Мэта праекта — на прыкладзе трох беларускіх гарадоў паказаць, як можна палепшыць сістэму кіравання гарадской гаспадаркай.

Грамадства

Азбука прафесій: балерына Таццяна Уласень пра кар'еру і сям'ю

Азбука прафесій: балерына Таццяна Уласень пра кар'еру і сям'ю

Разам з 9-гадовай дачкой раскрывае сакрэты.