Парушальнікам правілаў дарожнага руху ў Беларусі будуць дасылаць SMS-апавяшчэнні, паведаміў начальнік УДАІ МУС Беларусі Дзмітрый Карзюк у эфіры тэлеканала АНТ.
"Гэтая сістэма запланаваная, яна практычна прапрацавана, прайшла тэставанне. Літаральна праз два месяцы мы зможам з дапамогай SMS апавяшчаць пра тое, што адбылося парушэнне правілаў і вы будзеце аплачваць штраф", - распавёў Дзмітрый Карзюк.
Начальнік УДАІ МУС таксама распавёў, што 1 чэрвеня павінен адбыцца тэндэр на вытворчасць аўтаматызаванай інфармацыйнай сістэмы ДАІ. "У гэтай сістэме мы прадугледзелі работу нашых супрацоўнікаў, пры якой кантакт паміж імі і заяўнікам будзе мінімізаваны. Практычна ўсе працэдуры можна будзе прайсці праз інтэрнэт. Зарэгістраваўшыся на сайце МУС, вы зможаце зарэгістраваць свой аўтамабіль, выбраць нумар, аплаціць адпаведныя паслугі", - растлумачыў Дзмітрый Карзюк. Не плануецца пераводзіць у анлайн-рэжыме дзве адміністрацыйныя працэдуры - зверку і атрыманне дакументаў.
Адказваючы на пытанне, калі запрацуе гэтая сістэма, Дзмітрый Карзюк распавёў, што гэта адбудзецца праз 2-3 гады. Пры гэтым яе асобныя кампаненты будуць запускацца ў эксплуатацыю па меры іх стварэння. Напрыклад, у пасведчанні кіроўцы прапануецца дадаць RFID-пазнакі для зручнасці праверкі дакументаў.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
