Вы тут

Антыфрыз, які не шкодзіць прыродзе


Імпартазамяшчэнне, утылізацыя адходаў, стварэнне новых працоўных месцаў — усе гэтыя задачы заклікана вырашыць новая лінія па вытворчасці экалагічна бяспечнага антыфрызу, якую запусцілі ў ААТ «Гомельхімгандаль».


Прадукт, які тут пачалі выпускаць, новы для постсавецкай прасторы, але не новы для Еўрасаюза. Сёння магутнасці невялікай лініі дазваляюць вырабляць звыш тысячы тон прадукцыі на год. Спачатку маюць намер закрыць толькі пяць працэнтаў унутранага рынку, далей усё будзе залежаць ад попыту.

Справа ў тым, што пасля змешвання інгрэдыентаў атрымліваецца экалагічна бяспечны антыфрыз. Дарэчы, звычайна гэта дастаткова шкодны прадукт, і яго ўтылізацыя — працэс складаны і дарагі. Але ж зроблены па новым рэцэпце, ён не будзе назапашвацца ў глебе і наносіць шкоду навакольнаму асяроддзю, сцвярджае начальнік упраўлення вытворчасці прадпрыемства «Гомельхімгандаль» Віктар Алексенка:

— Пасля выкарыстання антыфрызу яго можна зліваць на глебу, і ён будзе служыць як угнаенне.

Новая вытворчасць адкрылася ў межах праекта «Садзейнічанне пераходу Рэспублікі Беларусь да зялёнай эканомікі», які фінансуецца Еўрапейскім саюзам і рэалізуецца Праграмай развіцця ААН у партнёрстве з Міністэрствам прыродных рэсурсаў і аховы навакольнага асяроддзя Беларусі. Запуск вытворчасці дазволіў стварыць шэсць працоўных месцаў.

Ірына АСТАШКЕВІЧ

іоst@zvіаzdа.bу

Выбар рэдакцыі

Грамадства

Міністр аховы здароўя расказаў пра стан медыцыны ў краіне

Міністр аховы здароўя расказаў пра стан медыцыны ў краіне

У 2019 годзе медыцынскую дапамогу ў Беларусі аказвалі на належным узроўні.

Эканоміка

Ці можна гандляваць у падземных пераходах?

Ці можна гандляваць у падземных пераходах?

Быў час, калі людзі, якія гандлявалі ў пераходах, «ставілі» на выхадзе з перахода чалавека, які папярэджваў аб набліжэнні міліцыянераў.

Грамадства

У чым сутнасць вішынгу — аднаго з відаў махлярства

У чым сутнасць вішынгу — аднаго з відаў махлярства

З выкарыстаннем сацыяльнай інжынерыі. 

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.