Вы тут

У дзіцячы цэнтр «Арляня» адправіліся працаваць гомельскія студэнты


Ва ўсерасійскі дзіцячы цэнтр «Арляня» Краснадарскага краю адправіліся працаваць байцы выязнога сэрвіснага студэнцкага атрада Гомельскага абкама БРСМ.


За летні перыяд там пабываюць больш як 50 маладых людзей. Умовамі дагавора прадугледжана бясплатнае пражыванне і трохразовае харчаванне за кошт боку, які прыняў іх на работу. Акрамя працоўных будняў, іх чакае і адпачынак: экскурсійныя паездкі, адпачынак на Чорным моры, конкурсы і спаборніцтвы. Дарэчы, гомельскія студэнты — каля 120 чалавек — у Расіі будуць працаваць яшчэ і ў складзе сельскагаспадарчых атрадаў. Першы сакратар абкама БРСМ Ігар Завалей адзначае, што міжнароднае супрацоўніцтва ў рамках студатрадаўскага руху актыўна развіваецца:

— Усё гэта, несумненна, дапамагае набыць мноства новых сяброў і ўражанні на ўсё жыццё.

Падчас трэцяга працоўнага семестра «Лета-2017» штаб студатрадаў плануе працаўладкаваць каля 10 тысяч студэнтаў Гомельшчыны. Традыцыйна гэта будуць сэрвісныя, будаўнічыя, педагагічныя, медыцынскія і іншыя студатрады. Галоўная мэта, якую ставяць перад сабой арганізатары, — уладкаваць кожнага маладога чалавека, які жадае папрацаваць летам.

Ірына АСТАШКЕВІЧ

іost@zvіazda.by

Загаловак у газеце: Зарабляй адпачываючы

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.