Новая спецыяльнасць "медыцынская фізіка" адкрываецца ў магістратуры Міжнароднага дзяржаўнага экалагічнага інстытута імя А. Д. Сахарава БДУ.
Яе адкрыццё абумоўлена ростам патрэбы ў спецыялістах з паглыбленым веданнем сучаснага медыцынскага абсталявання, у прыватнасці тэхнікі для прамянёвай тэрапіі рака. Падрыхтоўка магістраў па спецыяльнасці "медыцынская фізіка" дазволіць папоўніць недахоп кадраў, здольных адказваць за бяспечную эксплуатацыю складанага медыцынскага абсталявання ў анкалогіі і медыцынскай радыялогіі. Гаворка ідзе пра якаснае выкарыстанне рэнтгенаўскіх, магнітна-рэзанансных, эмісійных камп'ютарных тамографаў, апаратуры для разліку спажытых доз і дазіметрычнага кантролю і г. д.
У адрозненне ад інжынераў выпускнікі новай магістарскай праграмы будуць не толькі абслугоўваць абсталяванне, але і разам з урачамі ўздзейнічаць на захворванне. Напрыклад, пры прамянёвай тэрапіі яны павінны з высокай дакладнасцю накіраваць на пухліну дозу лячэбнай радыяцыі. Гэта патрабуе вывераных разлікаў і дакладнай настройкі абсталявання.
Паводле папярэдніх ацэнак, патрэба ў такіх кадрах да 2020 года ў Беларусі складзе больш як 400 спецыялістаў, з якіх каля сотні павінны мець дыплом магістра.
Магістры медыцынскай фізікі змогуць прэтэндаваць на пасады начальнікаў аддзелаў і лабараторый, кваліфікаваных экспертаў, якія адказваюць за распрацоўку і выкананне праграм бяспечнага выкарыстання крыніц іанізуючага выпраменьвання ў медыцыне.
Сёння ў магістратуры БДУ навучаецца больш як 1300 чалавек па 88 спецыяльнасцях. Прыём дакументаў на ўсе спецыяльнасці магістратуры будзе ажыццяўляцца з 27 чэрвеня па 5 ліпеня.
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.