Вы тут

Візіт парламенцкай дэлегацыі Беларусі ў Кітай запланаваны на восень


Восенню парламенцкая дэлегацыя Беларусі плануе наведаць Кітай. Аб гэтым паведаміў сёння старшыня Савета Рэспублікі Нацыянальнага сходу Міхаіл Мясніковіч на пасяджэнні, прысвечаным падрыхтоўцы маючага адбыцца візіту.


Фота: БЕЛТА

"Восенню плануецца афіцыйны візіт у КНР беларускай парламенцкай дэлегацыі. Падрыхтоўчая работа ідзе. Але ёсць неабходнасць канкрэтызаваць асобныя палажэнні", - адзначыў Міхаіл Мясніковіч.

Паводле яго слоў, вялікія надзеі звязаны з праектамі Міністэрства прамысловасці: "І па БелАЗе, і па "Гомсельмашы" ёсць напрацоўкі. У час, які застаўся да восені, іх трэба было б падцягнуць, каб у працэсе візіту падпісаць пагадненні. Заслугоўвае ўвагі работа брастаўчан, у першую чаргу "Савушкінага прадукту". Гэта і экспарт, і магазіны. З усіх абласцей нашай краіны менавіта Брэсцкая працуе даволі канкрэтна, напорыста", - сказаў спікер.

Ён падкрэсліў, што Кітай - стратэгічны партнёр Беларусі. "Створаны добры задзел. Трэба прама сказаць, што гэты задзел і тыя праекты, якія мы маем, створаны дзякуючы намаганням нашага Прэзідэнта Аляксандра Лукашэнкі. Другі ўзровень - беларускія дзяржорганы, лічу, крыху недацягваюць. Шмат фармалізму, шэраг пытанняў, якія агавораны і па якіх прыняты рашэнні на вышэйшым узроўні, вырашаюцца даволі доўга, не без праблем", - канстатаваў Міхаіл Мясніковіч.

Таксама ён выказаў незадаволенасць работай мясцовых органаў улады. "Рашэнні, якія прыняты кіраўніком дзяржавы па прыцягненні прамых замежных інвестыцый КНР, не выконвае ніводная вобласць і горад Мінск. Непаваротлівыя і прадпрыемствы. Таму трэба сур'ёзна папраўляць стан спраў, нейкіх неадольных перашкод тут няма", - заявіў спікер.

Міхаіл Мясніковіч падкрэсліў, што неабходна падцягваць гандлёва-эканамічнае, рэгіянальнае супрацоўніцтва, парламенцкія кантакты: "Гэта аб'ектыўная неабходнасць. Мы бачым сур'ёзныя напрамкі, якія могуць быць рэалізаваны ў інтарэсах беларускай эканомікі, калі разумна выкарыстаць той патэнцыял, які сёння ёсць на вышэйшым палітычным узроўні".

БЕЛТА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».