Вы тут

На Навагрудчыне ўсталююць памятныя знакі


Сёлета адзначаецца 700-годдзе Навагрудскай епархіі і 25-годдзе аднаўлення яе дзейнасці. Мерапрыемствы, звязаныя з гэтай датай, ужо праходзяць у горадзе і раёне, і яшчэ шмат што запланавана. Нядаўна адбылася ўстаноўка звона на Свята-Мікольскім саборы. Звон спецыяльна адлілі і прывезлі з Расіі. Ён мае своеасаблівае гучанне. Плануецца таксама ўсталяванне памятных знакаў у горадзе і раёне.


Яны будуць невялікага памеру — два на два метры ў шырыню і шэсць у вышыню. Унутры некаторых з іх будзе вісець звон.

У Навагрудку памятны знак будзе ўсталяваны на скрыжаванні вуліц Мінскай і Свярдлова (калісьці там стаяў Траецкі храм, які, на жаль, не захаваўся да нашага часу з-за шматлікіх ваенных падзей). Ён будзе падобны на колішнюю царкву, толькі ў мініяцюры. Таксама там змесцяць інфармацыйную шыльду са звесткамі пра стварэнне Навагрудскай епархіі і тую ролю, якую яна выконвала ў свой час на Навагрудчыне.

Памятныя знакі такога ж кшталту будуць устаноўлены і ў аграгарадках Навагрудскага раёна — у Кашалеве, у г. п. Любчы. У Нягневічах — на развілцы вуліц Леніна і Паплаўскай. У Брольніках — на вуліцы Цэнтральнай, каля развілкі дарог насупраць млына. Таксама на ўездзе ў Шчорсы, у кірунку Лаўрышаўскага манастыра. Плануецца ўстаноўка і пры ўездзе ў вёску Валеўку.

Памятныя знакі зробяць у форме каплічак, але ўсе яны будуць разнапланавымі.

— Навагрудчына цікавая і сваім ландшафтам — нізінамі і пагоркамі. Таму, праектуючы помнікі, стараемся абазначыць усе мясцовыя асаблівасці, — адзначае загадчык сектара культуры аддзела ідэалагічнай работы, культуры і па справах моладзі Навагрудскага райвыканкама Наталля ЖЫШКО. — Напрыклад, у Любчы ёсць замак, рэнесансны пасёлак — у старой часткі мястэчка вельмі адметнае планаванне. Таму важна, каб памятны знак адпавядаў гэтай мясцовасці. У Кашалеве можна ўбачыць узвышша, а затым упадзіну, гэта таксама важна ўлічыць. Праекціроўшчыкі яшчэ працуюць над формай аб'ектаў, і мы дбаем пра тое, каб яны ўпісаліся ў рэгіянальныя асаблівасці месца і неслі ў сабе пэўныя гістарычныя звесткі. Працуем таксама над дакументацыяй. Узгадненне на правядзенне работ з Міністэрства культуры мы ўжо атрымалі, а зараз рыхтуем усё, каб прадставіць праекты, макеты на мастацкім савеце ў Гродне.

Праектнай арганізацыяй выступае мясцовае прадпрыемства «ВІДЗІ-Арх». Сродкі на стварэнне памятных знакаў — пазабюджэтныя. Гэта грошы гараджан, навагрудскіх прадпрыемстваў і епархіі.

Ніна ШЧАРБАЧЭВІЧ

nina@zviazda.by

Навагрудскі раён

Загаловак у газеце: Царква ў мініяцюры

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.