Вы тут

У жыхара Мінска канфіскавана больш за кілаграм марыхуаны


У сталіцы затрыманы 36-гадовы раней судзімы ўраджэнец горада, у якога падчас правядзення вобыску па месцы жыхарства быў знойдзены нататнік, у якім, як высветлілася, былі запісаныя адрасы з тайнікамі марыхуаны.


Мужчына, знаходзячыся ў адным з пасёлкаў Калужскай вобласці ў Расіі, заўважыў на полі вялікую колькасць кустоў канопляў. Ён сарваў некалькі з мэтай высушвання і ўжывання ў якасці наркатычнага сродку. Праз два тыдні мінчанін перавёз наркотык праз мяжу і схаваў яго ў шафе ў сябе ў кватэры. Каля тыдня мужчына захоўваў марыхуану дома, і толькі моцны пах рэчыва прымусіў яго расфасаваць усё па пакетах і схаваць на вуліцы, пры гэтым запісаўшы адрасы тайнікоў у нататніку.

Усяго ў нататніку было 27 запісаў. Тры «закладкі» мужчына выняў раней самастойна, змесціва астатніх схованак было канфіскавана супрацоўнікамі аддзялення па наркакантролі і супрацьдзеянні гандлю людзьмі Першамайскага РУУС г. Мінска. Усе схованкі знаходзіліся непадалёк ад месца жыхарства падазраванага. Сукупная вага канфіскаванага склала больш за адзін кілаграм. Мужчыну пагражае адказнасць у выглядзе пазбаўлення волі на тэрмін да 15 гадоў з канфіскацыяй маёмасці або без канфіскацыі.

Сяргей РАСОЛЬКА

rs@zviazda.by

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.