Жаночая біятлонная каманда завяршыла трэніроўкі ў спарткомплексе «Раўбічы» і з 9 па 29 чэрвеня працягне падрыхтоўку да сезона ў Хахфільцэне.
У Аўстрыю адправіцца лідар зборнай Дар'я Домрачава, а таксама Надзея Скардзіна, Ірына Крыўко, Надзея Пісарава і Ганна Сола.
Мужчынская каманда працягне трэніравацца ў «Раўбічах», а пасля адправіцца ў Санкт-Пецярбург, дзе біятланісты паспрабуюць свае сілы ў спецыяльным снежным тунэлі, адкрытым два гады таму на тэрыторыі вучэбна-трэніровачнага цэнтра Нацыянальнага дзяржаўнага ўніверсітэта фізічнай культуры, спорту і здароўя імя П.Ф. Лесгафта.
Нагадаем, новы біятлонны сезон стартуе 26 лістапада ў шведскім Эстэрсундзе. Зімовыя Алімпійскія гульні пройдуць з 9 па 25 лютага 2018 года ў карэйскім Пхенчхане
Дар'я ЛАБАЖЭВІЧ
Мерапрыемства праводзіцца на добраахвотнай аснове.
Не выявіць ні секунды абыякавасці.
