З Мінска ў Варну адправіцца першы цягнік

14 чэрвеня са станцыі Мінск-Пасажырскі адправіцца ў першы рэйс цягнік № 451/452 Мінск—Варна, паведамілі ў прэс-цэнтры магістралі.

Цягнік будзе ісці праз Львоў, Івана-Франкоўск і Бухарэст. Адпраўленне з Мінска 14, 24 чэрвеня, 4, 16, 28 ліпеня, 9, 19 і 27 жніўня ў 16 гадзін 6 хвілін. Прыбыццё ў Варну ў 10 гадзін 30 хвілін 16, 26 чэрвеня, 6, 18, 30 ліпеня, 11, 21 і 29 жніўня адпаведна. З Варны цягнік адправіцца 16, 26 чэрвеня, 6, 18, 30 ліпеня, 11, 21 і 29 жніўня ў 19 гадзін 10 хвілін, а прыбудзе ў Мінск 18, 28 чэрвеня, 8, 20 ліпеня,1, 13, 23, 31 жніўня ў 11 гадзін 6 хвілін адпаведна.

Сяргей РАСОЛЬКА

rs@zviazda.by