Беларуская парламенцкая дэлегацыя на чале з намеснікам старшыні Савета Рэспублікі Нацыянальнага сходу Беларусі Мар'янай Шчоткінай знаходзіцца з рабочым візітам у Латвійскай Рэспубліцы. Візіт парламенцкай дэлегацыі на чале з віцэ-спікерам верхняй палаты беларускага парламента ажыццяўляецца ўпершыню.
У ходзе рабочага візіту сенатар правяла сустрэчы са старшынямі і членамі камісій сейма па замежных і еўрапейскіх справах, па сацыяльных і працоўных пытаннях, падчас якіх былі разгледжаны перспектывы двухбаковага супрацоўніцтва ў рамках міжнародных і рэгіянальных арганізацый.
На сустрэчы Мар'яны Шчоткінай з міністрам земляробства Латвійскай Рэспублікі Янісам Дуклаўсам абмеркаваны стан і магчымасці ўзаемадзеяння ў сферы харчовай і дрэваапрацоўчай прамысловасці. Намеснік старшыні Савета Рэспублікі адзначыла, што з улікам патэнцыялу і пазіцый Латвіі для Беларусі ўяўляюць цікавасць кантакты з латвійскімі прадпрымальнікамі ў галіне прамысловай кааперацыі, інавацый, прыцягнення новых тэхналогій, прасоўвання беларускай прадукцыі на рынак ЕС.
Вераніка ПУСТАВІТ
Мерапрыемства праводзіцца на добраахвотнай аснове.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
