Што для захавання нацыянальнай бяспекі можа зрабіць экспертная супольнасць? На гэтае пытанне шукалі адказ удзельнікі пашыранага пасяджэння навукова-кансультатыўнага савета па сацыяльна-эканамічным развіцці Рэспублікі Беларусь пры Прэзідыуме Савета Рэспублікі Нацыянальнага сходу.
Адной з ключавых тэм пасяджэння стала эканамічная бяспека, якая шмат у чым вызначае ўзровень бяспекі ва ўсіх астатніх сферах дзейнасці краіны. «Супрацьстаянне ў свеце і пагрозы працягваюць перамяшчацца ў эканамічную плоскасць. Насамрэч сусветная вайна ўжо адбываецца, але ў ёй выкарыстоўваюцца новыя, менш заўважныя метады. Праціўнік пранікае на чужую тэрыторыю і пачынае фарміраваць асяроддзе, якое патрабуецца патэнцыйнаму агрэсару для дэстабілізацыі. Менавіта таму экспертнай супольнасці трэба быць больш актыўнай і рабіць канкрэтныя прапановы ў гэтай сферы», — заявіў старшыня Пастаяннай камісіі Савета Рэспублікі па міжнародных справах і нацыянальнай бяспецы Сяргей РАХМАНАЎ.
Акрамя таго, удзельнікі пасяджэння абмеркавалі крокі па забеспячэнні харчовай, паліўнай, інфармацыйнай, навукова-тэхнічнай бяспекі, а таксама «харчовыя», «газавыя» і «нафтавыя» войны і шляхі выхаду з іх.
Вераніка ПУСТАВІТ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
