24 Кастрычнік, аўторак

Вы тут

Бабруйскія ратавальнікі дапамаглі сабаку


Зноў у добрым сэнсе слова вылучыліся бабруйскія ратавальнікі. На гэты раз іх дапамога спатрэбілася... сабаку, які на самай справе быў на валаску ад смерці.


— З прыватнага сектара на пульт дзяжурнага паступіла паведамленне, што ў жывёлы захрасла лапа, — расказаў падрабязнасці гісторыі ратавальнік пажарнай аварыйна-выратавальнай часці №4 Эміль ТКАЧЭНКА. — Але калі мы прыехалі, то ўбачылі, што дамашні вартаўнік не толькі зашчаміў сабе лапу, але яшчэ і зачапіўся пашчай за карабін павадка. Відовішча было не для слабанервовых. Небарака нібыта сядзеў на кручку.

Падысці да раз'юшанай жывёлы не мог нават гаспадар. Па сутнасці, сабака — шчаня, 8 месяцаў, але вагой кілаграмаў 20, не меней. Каб дапамагчы яму вызваліцца з пасткі, спатрэбілася выклікаць яшчэ і ветэрынара. Пасля ўколу ахвяра карабіна крыху паспакайнела і дала магчымасць наблізіцца. Але зняць яе проста так з «кручка» не атрымалася. Эміль Ткачэнка разам з кіроўцам Аляксандрам Тарабуевым разразалі гідраўлічным інструментам злашчасны карабін. Іх вельмі ўразіла, як сабака пры гэтым плакаў. На шчасце, усё атрымалася як мага лепш. Чатырохногі вартаўнік жывы, а раны хутка зажывуць.

Нэлі ЗІГУЛЯ

zіgulya@zvіazda.by

Загаловак у газеце: Не плач, сабака

Дадаць каментар

Выбар рэдакцыі

Культура

Восень у Ляўках

Восень у Ляўках

Mузейны комплекс “Ляўкі” з’яўляецца філіялам Дзяржаўнага літаратурнага музея Янкі Купалы і знаходзіцца ў Аршанскім раёне на беразе Дняпра.

Грамадства

Размытыя крытэрыі «сацыяльнай небяспекі»

Размытыя крытэрыі «сацыяльнай небяспекі»

Калі дзіця прыходзіць у школу непадрыхтаванае, гэта неабавязкова азначае, што дома ў яго няма ўмоў рабіць урокі.

У свеце

Навошта Нарвегія назапасіла рэкордную «заначку»?

Навошта Нарвегія назапасіла рэкордную «заначку»?

​Актывы суверэннага фонду каралеўства Нарвегія перавысілі трыльён долараў.