Вы тут

У Лондане згарэў 24-павярховы жылы дом


Надзвычайнае здарэнне адбылося ў Вялікабрытаніі. Як мінімум шэсць чалавек загінулі, дзясяткі пацярпелі ў выніку моцнага пажару, які шмат гадзін бушаваў у шматпавярховым жылым доме на захадзе Лондана. У момант узнікнення агню ў 24-павярховым будынку Грэнфел-таўэр магло знаходзіцца да 600 чалавек.


Як паведамляе сайт Рускай службы ВВС, у Лонданскую пажарную брыгаду ў 00.54 ночы ў сераду паступіў званок з паведамленнем аб агні ў жылым доме Грэнфел-таўэр на вуліцы Лацімер-Роўд у раёне Паўночны Кенсінгтан. На месцы тушэння пажару працавалі 40 пажарных разлікаў і больш за 200 пажарных. Больш за 20 карэт «хуткай дапамогі» прыбылі да будынка, які быў ахоплены агнём з другога па апошні паверхі.

Што да прычыны пажару, то яна пакуль не вызначана. Ёсць версія, што ўсё адбылося з-за халадзільніка, які ўзарваўся. Спецыялісты называюць здарэнне беспрэцэдэнтным. Многія пажарныя, якія аддалі прафесіі ўсё жыццё, не сутыкаліся з падобным ніколі.

Лічылася, што Грэнфел-таўэр пабудаваны ў адпаведнасці з высокімі патрабаваннямі пажарнай бяспекі. Новыя ўваходныя дзверы ў кожную кватэру нібыта маглі вытрымліваць агонь да 30 хвілін, а гэтага цалкам дастаткова для прыбыцця пажарнай брыгады. Тым не менш на справе ўсё аказалася зусім па-іншаму. ВВС паведамляе: па словах некаторых жыхароў, агонь ахапіў увесь дом ужо праз 15 хвілін. Сведкі здарэння спачатку бачылі, як загарэлася кватэра на адным з паверхаў у ніжняй частцы вышыннага дома, але на іх вачах пажар імкліва распаўсюдзіўся па абліцоўцы будынка.

Ёсць і больш шакіруючая інфармацыя: відавочцы з суседніх дамоў распавялі, што бачылі людзей, якія падавалі сігналы аб дапамозе, у роспачы скакалі з верхніх паверхаў, выкідвалі ў вокны дзяцей, спрабавалі спусціцца па вяроўках, зробленых з прасцін.

Надзея ЮШКЕВІЧ

yushkevich@zviazda.by

Фота newsru.com

Загаловак у газеце: Жахлівая ноч

Выбар рэдакцыі

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.

Грамадства

Першыя беларускія Соdе Сlub далучыліся да сусветнага руху

Першыя беларускія Соdе Сlub далучыліся да сусветнага руху

Як з дапамогай кода стварыць уласную анімацыю і «ажывіць» касмічны карабель? 

Грамадства

Як Віцебшчына развівае стасункі з Кітаем

Як Віцебшчына развівае стасункі з Кітаем

Наш карэспандэнт пастараўся згадаць самыя цікавыя прыклады сумеснай рэалізацыі праектаў.

Спорт

Анастасія Мірончык-Іванова: «Веру ў сябе і ў свае сілы»

Анастасія Мірончык-Іванова: «Веру ў сябе і ў свае сілы»

У спорце ёй двойчы прыходзілася пачынаць усё спачатку.