23 Люты, пятніца

Вы тут

На прадпрыемстве «Амкадор» ведаюць, як здзівіць публіку


Танец трактароў, экскаватары, здольныя стаяць на аўтрыгерах (вынасных апорах) пад неймавернымі вугламі і забіваць каўшом тонкія цвікі... На прадпрыемстве «Амкадор» ведаюць, як здзівіць публіку. Менавіта так святкавалі адкрыццё холдынга «Амкадор-Семаш», што спецыялізуецца на выпуску машын і агрэгатаў для сельгасвытворцаў.


Плануецца, што ў вытворчай лінейцы холдынга будуць створаны сельскагаспадарчыя агрэгаты і машыны для апрацоўкі глебы, сяўбы, паліву і ўнясення ўгнаенняў, аховы раслін, уборкі збожжавых і зернебабовых, караня- і клубняплодаў, а таксама абсталяванне для пасляўборачнай апрацоўкі і захоўвання збожжа. У склад холдынга ўвайшлі прадпрыемствы «Амкадор-Можа» і «Амкадор-Семаш». Вядзецца таксама работа па ўключэнні ў холдынг «Амкадор-Двмз» і «Элезер». Усе ўдзельнікі арганізацыі ўяўляюць сабой адзіны тэхналагічны рад, пры гэтым кожны вырабляе сваю наменклатуру дэталяў, вузлоў і агрэгатаў машын «Амкадор».

У магутнасці па выпуску сельскагаспадарчых машын і агрэгатаў плануецца ўкласці больш за 150 млн долараў. Сума вялікая, але апраўдвае мэту — ідэя развіцця холдынга накіравана на дасягненне 100-працэнтнага імпартазамяшчэння і лакалізацыі вытворчасці на тэрыторыі краіны. Гэта азначае хуткае асваенне вытворчасці абсалютна ўсёй лінейкі сельскагаспадарчых машын, абсталявання і агрэгатаў, якія адпавядаюць сусветным стандартам.

Па словах старшыні Савета дырэктараў «Амкадор» Аляксандра Шакуціна, «Амкадор-Семаш» за тры гады павінен выйсці на аб'ём вытворчасці ў 100 млн долараў пры ўмове, што будуць хутка рэалізаваныя інвестыцыйныя праграмы, атрымаецца стварыць новыя прадпрыемствы і мадэрнізаваць заводы, якія ўваходзяць у склад холдынга. Пры гэтым ён падкрэсліў, што 50% прадукцыі будзе пастаўляцца на экспарт.

У невялікім раённым цэнтры будзе створана больш за тысячу працоўных месцаў, паведаміў намеснік прэм'ер-міністра Уладзімір Сямашка. Акрамя таго, заводы новага холдынга сфарміруюць канкурэнтнае асяроддзе для ўсёй галіны, дзякуючы таму, што вытворчасці, якія ўваходзяць у «Амкадор-Семаш», ствараюцца на самым сучасным тэхналагічным узроўні, купляецца найноўшае абсталяванне, прымяняюцца перадавыя тэхналогіі.

«Думаю, трэба і іншым нашым прадпрыемствам разумець, што месца хопіць усім і ў Беларусі, і за яе межамі, але трэба быць канкурэнтаздольнымі. Мы ж — краіна з адкрытай эканомікай, нам трэба 70% прадукцыі і паслуг прадаць на экспарт, каб жыць і развівацца», — падкрэсліў Уладзімір Сямашка.

Ілья КРЫЖЭВІЧ

krуzhеvісh@zvіаzdа.bу

Фота БЕЛТА

Загаловак у газеце: Інвестыцыі ў будучыню і экспарт

Дадаць каментар

Выбар рэдакцыі

Палітыка

«Народны абраннік — гэта як рака паміж двума берагамі»

«Народны абраннік — гэта як рака паміж двума берагамі»

Пра асаблівасці дэпутацкай дзейнасці, працу з насельніцтвам і творчы настрой.

Грамадства

У госці да беларусачкі

У госці да беларусачкі

Васьмігадовая мадэль са Жлобіна любіць катацца на цягніку. А ў вольны час лепіць з бабуляй калдуны.

Грамадства

Іван Кірчук: Я 14 гадоў жыў адзін і больш не планаваў ніякай сям'і

Іван Кірчук: Я 14 гадоў жыў адзін і больш не планаваў ніякай сям'і

«Вой, Іван Іванавіч, а дзе ваша барада?» Само сабой вырвалася ў мяне гэтае пытанне, калі адчыніла дзверы ў этналабараторыю і ўбачыла лідара гурта «Этна-трыа «Троіца»...

Грамадства

Вандроўка ў Беніцу

Вандроўка ў Беніцу

Дзе знаходзіцца касцёл пачатку ХVІІІ стагоддзя.