27 Чэрвень, аўторак

Вы тут

Як парламентарыі працуюць на дыпламатычнай арэне?


Гэта абмяркоўвалася падчас круглага стала ў "Звяздзе".

У чым рэальная роля парламенцкай дыпламатыі? Дзякуючы чаму летняя сесія Парламенцкай асамблеі АБСЕ пройдзе менавіта ў беларускай сталіцы? Ці ў пойнай меры нашы парламентарыі выкарыстоўваюць свой дыпламатычны патэнцыял? Гэтыя пытанні абмеркавалі падчас круглага стала "Магчымасці і перспектывы парламенцкай жыпламатыі", які прайшоў ў рэдакцыі газеты "Звязда".

Да нас завіталі: Валерый Варанецкі, старшыня Пастаяннай камісіі Палаты прадстаўнікоў Нацыянальнага сходу па міжнародных справах; Сяргей Рахманаў, старшыня Пастаяннай камісіі Савета Рэспублікі  Нацыянальнага сходу па міжнародных справах і нацыянальнай бяспецы; Галіна Філіповіч, член Пастаяннай камісіі Палаты прадстаўнікоў Нацыянальнага сходу па дзяржаўным будаўніцтве, мясцовым самакіраванні і рэгламенце; Вольга Лазоркіна, кандыдат гістарычных навук, дацэнт кафедры дыпламатычнай і консульскай службы факультэта міжнародных адносін Беларускага дзяржаўнага ўніверсітэта. Акрамя гэтага, была наладжана анлайн-відэасувязь са Станіславам Ткачэнкам, доктарам эканамічных навук, кандыдатам гістарычных навук, прафесарам кафедры еўрапейскіх даследаванняў, кіраўніком праграмы "Дыпламатыя Расійскай Федэрацыі і замежных дзяржаў".


Як падкрэсліў падчас мерапрыемства Валерый Варанецкі, сёння Беларусь становіцца цэнтрам парламенцкай дыпламатыі:

– І менавіта тут у бліжэйшы час будзе біцца яе пульс. Гэта на самой справе вельмі важна з пункту гледжання успрымання і грамадствам, і нашымі замежнымі калегамі, паколькі гэта аўтарытэт нашай краіны і нашага парламента.

Сяргей Рахманаў заявіў, што падчас перамоў з калегамі з розных краін важна прытрымлівацца сваёй сістэмы каштоўнасцей, якая сфарміравалася ў нас ужо даўно:

– Мы павінны мець вельмі сур’ёзную навуковую, філасофскую, светапоглядную падрыхтоўку, каб маглі выглядаць пераканаўча. Узровень нашых парламентарыяў, дзякуючы ў тым ліку савецкай сістэме адукацыі, вельмі высокі. І ў дыскусіях як у Азіі, так і ў Еўропе нашы партнёры на дамінуюць над намі з пункту гледжання ўзроўню светапогляду.

Айчынная парламенцкая дыпламатыя дапамагае бізнесменам завязваць кантакты з перспектыўнымі партнёрамі за мяжой, а інвестарам з іншых краін – знаходзіць у Беларусі цікавыя праекты, у якія можна ўкласці сродкі. Сенатары, дэпутаты маюць магчымасць падчас перамоў узнімаць тыя тэмы, якія часам па аб'ектыўных прычынах вымушаны абыходзіць дыпламаты. Пра практычныя вынікі міжнароднай працы парламентарыяў чытайце ў хуткім часе на старонках "Звязды", дзе будзе надрукавана поўная версія круглага стала.

Надзея ЮШКЕВІЧ

Дадаць каментар

Выбар рэдакцыі

Грамадства

Настаўнік на пенсіі «знайшоў сябе» ў краме моднага адзення

Настаўнік на пенсіі «знайшоў сябе» ў краме моднага адзення

«Суседка думае, што я нейкі дзівак, бо заўсёды ўсміхаюся».

Грамадства

Як адбіраюць нацыянальную каманду на конкурс ваеннага майстэрства

Як адбіраюць нацыянальную каманду на конкурс ваеннага майстэрства

Вайскоўцы-кантрактнікі змагаюцца за права прадставіць нашу краіну на «Воіне Садружнасці — 2017».

Грамадства

З чым звязана няўпэўненасць педагогаў у заўтрашнім дні?

З чым звязана няўпэўненасць педагогаў у заўтрашнім дні?

У канцы жніўня ў краіне адбудзецца Рэспубліканскі педагагічны савет.

Грамадства

Карэспандэнты «Звязды» пабывалі на рэпетыцыі ваеннага парада

Карэспандэнты «Звязды» пабывалі на рэпетыцыі ваеннага парада

Ён адбудзецца на Дзень Незалежнасці ў Мінску.