27 красавіка, пятніца

Вы тут

Чаму ў Ашмянах так папулярная лёгкая атлетыка?


У межах праграмы трансгранічнага супрацоўніцтва «Польшча — Беларусь — Украіна» ў 2015 годзе ў горадзе быў пабудаваны лёгкаатлетычны стадыён. Праграма накіравана на рашэнне востраактуальнай зараз праблемы: прафілактыку залішняй вагі. І гэта сапраўды працуе — з раніцы на стадыёне можна ўбачыць бегуноў, якія падтрымліваюць форму перад працай, днём трэніруецца моладзь, а вечарам тут можна заўважыць актыўных пажылых людзей, захопленых скандынаўскай хадой.


Як растлумачыў нам намеснік начальніка аддзела адукацыі, спорту і турызму Ашмянскага райвыканкама Віктар БАГДАНОВІЧ, правільная назва спартыўнага аб'екта — лёгкаатлетычнае ядро. Тут абсталяваны сучасныя бегавыя дарожкі, сектары для скачкоў у даўжыню з разбегу і штурхання ядра, футбольнае поле з натуральным пакрыццём, а таксама трыбуны на 500 пасадачных месцаў.

— Горад актыўна выкарыстоўвае стадыён на працягу ўсяго цёплага сезона. Школа і каледж, якія знаходзяцца непадалёк, тут праводзяць урокі фізічнай культуры. На стадыёне трэніруюцца і вучні лёгкаатлетычнага аддзялення спартыўнай школы. Дарэчы, пасля з'яўлення новага высакакласнага спартыўнага аб'екта і паляпшэння якасці трэніровак яны пачалі паказваць вельмі добрыя вынікі. З бегам на 400 метраў спраўляюцца за 52 секунды — гэта блізка да першага дарослага разраду. А раней за хвіліну ледзь дабягалі, — расказвае Віктар Багдановіч.

Дарэчы, на стадыёне праходзяць раённыя матчы па футболе, у планах — прыняць абласныя спаборніцтвы. Пакуль жа тут нярэдка сыходзяцца ў спартыўнай барацьбе ў розных лёгкаатлетычных кірунках (вельмі папулярны — мнагабор'е) работнікі ашмянскіх прадпрыемстваў і арганізацый падчас сваіх унутраных спаборніцтваў.

Праект коштам 1,5 мільёна долараў быў рэалізаваны сумесна з польскім паветам Сувалкі, таму зараз паміж двума рэгіёнамі вельмі цёплыя адносіны. Маладыя спартсмены пастаянна ездзяць адзін да аднаго ў госці, сустракаючыся на сяброўскіх спартыўных мерапрыемствах.

Загаловак у газеце: Стадыён для рэкордаў

Дадаць каментар

Выбар рэдакцыі

Грамадства

Як палепшыць жыццё людзей з асаблівасцямі?

Як палепшыць жыццё людзей з асаблівасцямі?

Удасканаліць законы і перастаць бачыць у інваліднасці толькі медыцынскую праблему...

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра рагаткі і замужнюю студэнтку.

Грамадства

Хто адпрацаваў на забруджаных тэрыторыях, заслугоўвае асаблівай увагі

Хто адпрацаваў на забруджаных тэрыторыях, заслугоўвае асаблівай увагі

Дзяржава аказала моцную дапамогу для адраджэння гэтых тэрыторый.

Грамадства

Дырэктар сямейнага інклюзіў-тэатра: Мяне трэба хваліць

Дырэктар сямейнага інклюзіў-тэатра: Мяне трэба хваліць

Прашу Ірыну назваць тры словы, з якімі яна сябе асацыюе.