04 снежня, пятніца

Вы тут

«Звязда» знайшла новых падпісчыкаў і вярнула былых


Дзень падпісчыка, які днямі быў арганізаваны Гродзенскім аддзяленнем «Белпошты» і Выдавецкім домам «Звязда», зацікавіў гараджан. Да палаткі раз-пораз падыходзілі наведвальнікі. Ды і цяжка было прайсці міма. Палатка паўстала на адным з людных месцаў — каля прыпынку грамадскага транспарту, зусім блізка — цэнтральны рынак. Да таго ж «Звязда» падрыхтавала для сваіх падпісчыкаў добрыя падарункі — майкі, кубкі, магніты, нататнікі і нават гадзіннікі, а дзеці адыходзілі з паветранымі шарамі.


Валерый Леанідавіч — адэсіт, афіцэр запасу. Ваенная служба закінула яго ў горад над Нёманам, дзе ён і застаўся. Кажа, што раней чытаў саюзную «Звезду», а цяпер зацікавіўся беларускай, бо ў ёй таксама ёсць старонка для вайскоўцаў — «Фарпост». Чарговая падпіска завяршаецца, і Валерый Леанідавіч вырашыў яе ўзнавіць. Ды не на месяц-другі, а адразу на паўгода. Свайму адданаму чытачу дзяўчаты з аддзела маркетынгу падаравалі настольны гадзіннік.

Не засталася без падарунка і Алеся, якая прыйшла сюды з малой дачкой. Прызналася, што пакуль не ведала пра змест выдання, але пагартаўшы, прыйшла да высновы, што гэта і яе газета. Выпісала на тры месяцы і атрымала адразу некалькі сувеніраў. Задаволенай засталася і малая дачка Алесі. Дарэчы, усе, хто падпісаўся ў той дзень, атрымалі на памяць падарункі. А работнікі пошты, якія дапамагалі ў афармленні падпіскі, яшчэ і ўручалі кожнаму наведвальніку чарговы нумар выдання. Газету мог атрымаць любы, хто пажадае адкрыць для сябе нешта новае.

Маргарыта УШКЕВІЧ

margo@zviazda.by

Загаловак у газеце: Гродзенцы са «Звяздой»

Выбар рэдакцыі

Грамадства

«Сацыяльная хвароба». Прастытуцыя ў БССР у часы НЭПа

«Сацыяльная хвароба». Прастытуцыя ў БССР у часы НЭПа

Сярод прыхільнікаў тэорыі вольнага кахання было шмат высокапастаўленых бальшавікоў і бальшавічак.

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.