24 Кастрычнік, аўторак

Вы тут

Выбары ў Францыі: пераканаўчая перамога партыі Макрона


Партыя прэзідэнта Францыі Эмануэля Макрона "Наперад, рэспубліка!" атрымала пераканаўчую перамогу на парламенцкіх выбарах.


Фота: ЕРА

Пасля таго, як былі падлічаныя амаль усе галасы другога тура, партыя "Наперад, рэспубліка!" разам з яе саюзнікам - цэнтрысцкай партыяй "Дэмакратычны рух" (MoDem) - набіраюць значна больш 300 з 577 месцаў у ніжняй палаце французскага парламента.

Хоць гэта некалькі менш, чым чакалі палітолагі, прадказвалі яшчэ больш рашучую перамогу Макрона, прэзідэнт Францыі тым не менш атрымаў салідны мандат у парламенце на правядзенне сваёй праеўрапейскай і арыентаванай на бізнес-інтарэсы праграмы рэформаў.

Яўка ў другім туры апынулася значна ніжэйшай, чым была на выбарах у 2012 годзе. Многія выбаршчыкі - як апаненты, так і прыхільнікі Макрона, - як лічыцца, не прыйшлі на выбарчыя ўчасткі пасля рашучай перамогі яго партыі ў першым туры.

Прэм'ер-міністр Эдуар Філіп, адзначыўшы нізкую яўку, сказаў, што яго партыя будзе абараняць інтарэсы ўсіх французаў.

Кансерватыўная партыя "Рэспубліканцы" і яе саюзнікі могуць сфармаваць самы вялікі апазіцыйны блок - яны атрымаюць ад 125 да 131 месца. Але гэта істотна менш, чым 200 мандатаў, што мелі французскія кансерватары ў папярэднім складзе Нацыянальнага сходу.

Сацыялісты, якія знаходзіліся ва ўладзе ў Францыі апошнія пяць гадоў, атрымаюць ад 41 да 49 месцаў - іх самы горшы вынік за ўсю гісторыю існавання партыі.

Упершыню ў Нацыянальны сход прайшла лідар "Нацыянальнага фронту" Марын Ле Пен. Яе ўльтраправая партыя можа атрымаць ад чатырох да васьмі месцаў у парламенце.

BBC

Дадаць каментар

Выбар рэдакцыі

Культура

Восень у Ляўках

Восень у Ляўках

Mузейны комплекс “Ляўкі” з’яўляецца філіялам Дзяржаўнага літаратурнага музея Янкі Купалы і знаходзіцца ў Аршанскім раёне на беразе Дняпра.

Грамадства

Размытыя крытэрыі «сацыяльнай небяспекі»

Размытыя крытэрыі «сацыяльнай небяспекі»

Калі дзіця прыходзіць у школу непадрыхтаванае, гэта неабавязкова азначае, што дома ў яго няма ўмоў рабіць урокі.

У свеце

Навошта Нарвегія назапасіла рэкордную «заначку»?

Навошта Нарвегія назапасіла рэкордную «заначку»?

​Актывы суверэннага фонду каралеўства Нарвегія перавысілі трыльён долараў.