Вы тут

Беларусь і "Расатам" абмеркавалі запуск першага энергаблока АЭС


Беларусь і дзяржкарпарацыя "Расатам" абмеркавалі сумесную працу для запуску першага энергаблока Беларускай атамнай электрастанцыі ў 2019 годзе. Пра гэта паведаміў сёння журналістам намеснік прэм'ер-міністра Беларусі Уладзімір Сямашка па выніках сустрэчы з генеральным дырэктарам "Расатама" Аляксеем Ліхачовым на палях форуму "Атамэкспа" у Маскве.


Першы энергаблок плануецца ўвесці ў эксплуатацыю у 2019 годзе (з улікам інцыдэнту з корпусам рэактара ў 2016 годзе), другі - у 2020-м, нагадаў віцэ-прэм'ер. "На сённяшняй сустрэчы абмяркоўвалі, як ідзе праца, каб блокі былі ўведзены ў эксплуатацыю ў гэтыя тэрміны. Мы сышліся, што трэба ўзмацняць працу на першым блоку", - растлумачыў Уладзімір Сямашка.

У бліжэйшы час на пляцоўцы збудаванні станцыі ў Астраўцы пройдзе пасяджэнне штаба, на якім з удзелам расійскага боку будуць абмяркоўвацца ход будаўніцтва, тэрміны пастаўкі абсталявання. У прыватнасці, гаворка будзе ісці аб работах на ключавых аб'ектах, якія вызначаюць тэрміны ўводу энергаблокаў у эксплуатацыю.

Беларуская АЭС будуецца па расійскім праекце АЭС-2006 у 18 км ад Астраўца (Гродзенская вобласць). Яна будзе складацца з двух энергаблокаў магутнасцю 1200 МВт кожны. Першы энергаблок плануецца ўвесці ў эксплуатацыю у 2019 годзе, другі - у 2020-м.

БЕЛТА

Дадаць каментар

Выбар рэдакцыі

Культура

Топ беларускіх дыялектызмаў, якія вы маглі не ведаць

Топ беларускіх дыялектызмаў, якія вы маглі не ведаць

Нязвыклая форма — заўсёды штуршок для пошуку.

Культура

Як мог выглядаць Мінск? Ведае беларускі архіў

Як мог выглядаць Мінск? Ведае беларускі архіў

Дзе замежнікі вывучаюць савецкую архітэктуру.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра бунт малога, выпадак на ферме і цікавае выступленне на вяселлі.