23 Чэрвень, субота

Вы тут

Прайшла аб'яднаная калегія МУС Саюзнай дзяржавы


Удзельнікі разгледзелі розныя аспекты супрацоўніцтва прыгранічных рэгіёнаў, пытанні фарміравання адзінай міграцыйнай прасторы Саюзнай дзяржавы і кантролю за знаходжаннем замежных грамадзян і асоб без грамадзянства на яе тэрыторыі. Таксама абмяркоўваўся праект плана работы аб'яднанай калегіі міністэрстваў унутраных спраў Саюзнай дзяржавы на 2018 год.


Адкрылі мерапрыемства, якое адбылося ў Казані, прэзідэнт Рэспублікі Татарстан Рустам МІННІХАНАЎ, міністр унутраных спраў Беларусі Ігар ШУНЕВІЧ і міністр унутраных спраў Расіі Уладзімір КАЛАКОЛЬЦАЎ.

Ігар Шуневіч падкрэсліў, што ўзровень супрацоўніцтва органаў унутраных спраў памежных абласцей з'яўляецца своеасаблівым барометрам міждзяржаўных сувязяў, і выказаў удзячнасць кіраўніцтву міністэрства, органаў і падраздзяленняў унутраных спраў Расіі і асабліва Бранскай, Пскоўскай і Смаленскай абласцей за службовае паразуменне і садзейнічанне ў вырашэнні адзіных задач правапарадку. На прыгранічнай тэрыторыі Расіі ў мінулым і бягучым годзе затрымана 27 асоб, якія адшукваліся беларускімі праваахоўнікамі, устаноўлена месцазнаходжанне 17 асоб, зніклых без вестак, і 19 адказчыкаў па грамадзянскіх справах. У Беларусі затрымана 19 грамадзян Расіі, якія знаходзіліся ў вышуку ў названых абласцях.

Чарговае пасяджэнне аб'яднанай калегіі адбудзецца налета ў Полацку, гаворка на ім пойдзе аб узаемадзеянні ў сферы дарожнай бяспекі, а таксама аб абмене вопытам па забеспячэнні грамадскай бяспекі пры правядзенні буйных міжнародных спартыўных мерапрыемстваў.

Дар'я КАСКО

kasko@zvіazda.by

Загаловак у газеце: Кантроль за прыгранічнай зонай і нелегальнымі мігрантамі

Дадаць каментар

Выбар рэдакцыі

Культура

Топ беларускіх дыялектызмаў, якія вы маглі не ведаць

Топ беларускіх дыялектызмаў, якія вы маглі не ведаць

Нязвыклая форма — заўсёды штуршок для пошуку.

Культура

Як мог выглядаць Мінск? Ведае беларускі архіў

Як мог выглядаць Мінск? Ведае беларускі архіў

Дзе замежнікі вывучаюць савецкую архітэктуру.

Культура

У Вілейцы можна ўбачыць станок, аналагічны таму, за якім працаваў Скарына

У Вілейцы можна ўбачыць станок, аналагічны таму, за якім працаваў Скарына

Ёсць тут зала друкаванай прэсы. Аднак асаблівую цікавасць, безумоўна, выклікае ў экспазіцыі друкарскі варштат.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра бунт малога, выпадак на ферме і цікавае выступленне на вяселлі.