19 Люты, панядзелак

Вы тут

Адказы на пытаннi першага тура віктарыны «Мая Скарыніяна»


Вiтаем усiх, хто далучыўся да цiкавай вандроўкi па шляхах нашага першадрукара. Мяркуем, запiсацца ў скарыназнаўцы было няпроста: пытаннi першага тура нашай вiктарыны былi не самыя лёгкiя. Але ж i задумана яна была не толькi як забаўляльная «размiнка для мазгоў», але i як нагода пашукаць патрэбныя звесткi ў розных крынiцах, тым самым даведаўшыся пра Скарыну i яго спадчыну больш. Бо чым больш ведаеш, тым больш падстаў ганарыцца, тым больш можаш абгрунтаваць для сябе i для iншых велiчнасць яго асобы i яго спраў.

А скарыназнаўцы-аматары ў нас ёсць, пра што i сведчаць адказы, дасланыя вамi на пытаннi першага тура. Пiсьмы — электронныя i па пошце — рэдакцыя атрымала з розных куточкаў нашай краiны, з гарадоў i вёсак. Да ўдзелу ў вiктарыне далучылiся сем'i, гурткi, краязнаўчыя суполкi. Спаборнiцтва за перамогу ўжо з першага тура разгарнулася сур'ёзнае. Нямногiя выйшлi з яго без страчаных балаў (без няправiльных адказаў).

Але не варта апускаць рукi, калi ўбачыце, што, адказваючы на пытаннi першага тура, вы не заўсёды мелi рацыю. Наперадзе яшчэ два туры, i абяцаем — лягчэй не будзе. Так што шанцы апынуцца сярод пераможцаў i прыехаць у Мiнск на бясплатную падрабязную экскурсiю па Нацыянальнай бiблiятэцы ёсць ва ўсiх без выключэння ўдзельнiкаў.

I, вядома ж, не забудзьцеся аформiць падпiску на «Звязду» на III квартал. У iм мы будзем не толькi падводзiць вынiкi — у публiкацыях газеты, магчыма, вы знойдзеце падказкi да пытанняў. Заставайцеся з намi — будзе цiкава!


Адказы на пытаннi першага тура

1. Кiм па родзе заняткаў быў бацька Францыска Скарыны Лука?

  • Вядома, што Скарына быў сынам купца.

2. У Полацку нядаўна археолагi знайшлi рэшткi будынка, якi меркавана звязаны з iменем Скарыны (цяпер ён знаходзiцца на тэрыторыi прысядзiбнага ўчастка аднаго з палачан). Што, як лiчаць гiсторыкi, там месцiлася ў часы Скарыны?

  • Як мяркуюць даследчыкi, на гэтым месцы мог знаходзiцца бернардзiнскi кляштар, у якiм Скарына мог атрымаць першапачатковую адукацыю.

3. Абярыце найбольш рэальны маршрут перамяшчэння Францыска Скарыны па гарадах Еўропы ў храналагiчным парадку:

  • З Полацка Скарына паехаў вучыцца ў Кракаў, затым працягваў адукацыю ў Падуi, дзе атрымаў ступень доктара навук, пасля працаваў у Празе, дзе i выдаў першую кнiгу, потым у Вiльнi заснаваў першую на тэрыторыi ВКЛ друкарню. Ёсць сведчаннi, што пасля хацеў друкаваць або прадаваць кнiгi i ў Маскве, з гэтай прапановай туды i паехаў.

4. Як называлася першая кнiга Скарыны, якая пабачыла свет у 1517 годзе?

  • «Псалтыр».

5. Устаўце прапушчанае бiблейскае iмя ў славутай скарынаўскай прадмове: «Таму i Юдзiф, любячы край, дзе калiсьцi на свет нарадзiлася, не шкадавала самое сябе, каб адвесцi ад краю айчыннага небяспеку...»

6. Хто з беларусаў упершыню згадаў iмя Скарыны ў газеце «Наша нiва» ў пачатку ХХ стагоддзя?

  • Адным з першых, хто заняўся вывучэннем жыцця i спадчыны Скарыны, быў Вацлаў Ластоўскi. Але першай была ўсё ж публiкацыя ў «Нашай нiве» ў вераснi 1909 года «Калi друкавалася першая беларуская Бiблiя?», i аўтарам яе быў Сяргей Палуян.

7. Якiм было прозвiшча ленiнградскага калекцыянера, у якога ў 1925 годзе былi набытыя першыя асобнiкi скарынавых кнiг для Беларускай дзяржаўнай бiблiятэкi?

  • Камарнiцкi.

8. Як у Мiнску называецца вулiца, якая з 1967 па 1989 год насiла iмя Францыска Скарыны?

  • Яна носiць iмя Героя Савецкага Саюза Мiкалая Алешава. Акадэмiчная была вулiцай Скарыны ў 1989—1997 годзе, праспект Незалежнасцi насiў яго iмя ў 1991—2005. Цяпер вулiца Скарыны знаходзiцца побач з Нацыянальнай бiблiятэкай.

9. Калi сёлета дакладная дата 500-годдзя беларускага кнiгадрукавання?

  • «Псалтыр» быў надрукаваны ў Празе 6 жнiўня 1517 года. Адпаведна 6 жнiўня 2017 года спаўняецца роўна 500 гадоў з таго часу.

10. Пытанне ад Нацыянальнай бiблiятэкi Беларусi.

Як звалi жонку Францыска Скарыны?

  • Жонку першадрукара звалi Маргарыта, з дакументаў, што захавалiся, вядома, што яна была ўдавой вiленскага радцы Юрыя Адвернiка.

Загаловак у газеце: Мая Скарынiяна

Дадаць каментар

Выбар рэдакцыі

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў? 

Калейдаскоп

Як прайшоў фінал нацыянальнага адбору на «Еўрабачанне»

Як прайшоў фінал нацыянальнага адбору на «Еўрабачанне»

Беларусь на конкурсе прадставіць украінец ALEKSEEV.

Культура

«Бум культурных стартапаў стане новым вітком эканомікі»

«Бум культурных стартапаў стане новым вітком эканомікі»

Некалькі месяцаў таму адна з найпапулярнейшых сталічных вуліц Кастрычніцкая ўзбагацілася на яшчэ адно «тусовачнае» месца — «Ок16».

Калейдаскоп

Вясёлыя гісторыі чытачоў

Вясёлыя гісторыі чытачоў

Праславіў Някрасаў рускую жанчыну, на вякі праславіў!