Вы тут

У Мінску з'явілася вакансія з заробкам у 15 тысяч долараў


Прапануе яе замежная кампанія, рэзідэнт Парка высокіх тэхналогій, якая займаецца распрацоўкай праграмных прадуктаў. На заробак у 27,8 тысячы рублёў шукаюць намесніка дырэктара. З патрабаванняў — вышэйшая адукацыя, валоданне англійскай мовай і іўрытам на добрым узроўні, вопыт работы ў распрацоўцы праграмнага забеспячэння, стаж на пасадзе менеджара ў замежных кампаніях не менш за два гады.


У Агульнарэспубліканскім банку вакансій такія прапановы — адзінкавыя. Свабодных месцаў з заробкам ад 10 тысяч рублёў усяго дзевяць. Усе яны знаходзяцца ў сталіцы. Сярод наймальнікаў, што гатовы плаціць такія вялікія грошы, — ІТ-кампаніі, прадстаўніцтва турэцкіх авіяліній, фірмы, якія займаюцца тэхнічным абслугоўваннем нерухомасці і ўпакоўкай.

Усяго на біржы працы налічваецца 51 880 вакансій. Доля свабодных месцаў з аплатай да 300 рублёў — 28 працэнтаў, ад 300 да 500 рублёў — 43,4 працэнта. Ад 500 да тысячы рублёў у месяц абяцаюць на кожнай чацвёртай вакансіі. Толькі 2,4 працэнта прапаноў утрымліваюць заробак больш за тысячу рублёў.

Наталля ЛУБНЕЎСКАЯ

lubnеuskауа@zvіаzdа.bу

Загаловак у газеце: Даплата за вопыт і іўрыт

Каментары

хорошая вакансия, с такой можно домик под минском за пару месяцев построить, и укомплектовать его к тому же последней техникой и автоматикой

Дадаць каментар

Выбар рэдакцыі

У свеце

Навошта Нарвегія назапасіла рэкордную «заначку»?

Навошта Нарвегія назапасіла рэкордную «заначку»?

​Актывы суверэннага фонду каралеўства Нарвегія перавысілі трыльён долараў.

Грамадства

Як жывуць апошнія жыхары вёскі Дзет­ка­ві­чы

Як жывуць апошнія жыхары вёскі Дзет­ка­ві­чы

У Дзеткавічах хоць і зарэгістравана сем чалавек, пастаянна пражываюць тры жанчыны. 

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра настаўніка года, непрадугледжаныя паводзіны і англійскі кампот.