У Брэсце плануецца маштабна адзначыць 76-ю гадавіну пачатку Вялікай Айчыннай вайны. Больш за два дзясяткі дэлегацый з розных гарадоў СНД выказалі намер прыехаць у Брэсцкую крэпасць. Усяго чакаецца больш за дзве тысячы гасцей.
Мерапрыемствы пачнуцца ў другой палове дня 21 чэрвеня. На пешаходнай вуліцы Савецкай пройдзе рэканструкцыя апошняга мірнага вечара. Людзі ў адзенні ўзору 30—40 гадоў будуць гуляць па вуліцы, танцаваць пад музыку гарадскога духавога аркестра.
А ў тры гадзіны ночы 22-га на плошчы Цырыманіялаў Брэсцкай крэпасці пачнецца мітынг-рэквіем з удзелам кіраўніцтва вобласці і горада, ветэранаў, гасцей. І ўжо а пятай раніцы на Заходнім форце рэканструктары адновяць карціну захопу і абароны. На гэты раз сюды прыедуць нават удзельнікі ваенна-гістарычных клубаў з Японіі і Кітая.
Гарадскія музеі падрыхтавалі шэраг выставак, якія разгорнуцца па вуліцы Савецкай. Фотадакументальная экспазіцыя Музея гісторыі горада Брэста атрымала назву «Заўтра была вайна».
Святлана ЯСКЕВІЧ
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.