03 снежня, чацвер

Вы тут

Будуецца транзітны калідор


Пачатак рэканструкцыі другога ўчастка трасы М6 Гродна — Мінск прайшоў ва ўрачыстай абстаноўцы з удзелам віцэ-прэм'ера Беларусі Анатоля Калініна.


Работы будуць весціся на тэрыторыі Лідскага і Іўеўскага раёнаў — ад 130,4 км да 197,7 км, усяго 67 км трасы. Рэканструкцыю даволі значнага ўчастка забяспечыць холдынг «Белаўтадар», кампаніі якога прызнаны пераможцамі па выніках міжнароднага конкурсу. Дарэчы, за права будаваць дарогу змагаліся кампаніі з 12 краін, у тым ліку Турцыі, Расіі, Кітая, Італіі, Азербайджана. Беларускія дарожнікі паспяхова завяршылі пракладку першага ўчастка трасы даўжынёй 8 км у Шчучынскім раёне (199—207 км). На гэтым участку дарожны рух нядаўна пераведзены на новую паласу. Плануецца, што да канца чэрвеня ўвесь рух на шчучынскім участку (13 км) будзе пераведзены на новую дарогу.

— Выканалі асноўны аб'ём работ і нават працуем з апярэджаннем графіка, — адзначыў на цырымоніі адкрыцця Анатоль Калінін. — Упэўнены, што якасць будзе на высокім узроўні, у нас ёсць дастатковы вопыт работы, у тым ліку за межамі краіны, ёсць тэхналогіі.

Па словах віцэ-прэм'ера, праекты транспартнай інфраструктуры ствараюць умовы для развіцця эканомікі краіны, таму ў Беларусі ім удзяляецца такая ўвага ў апошнія дзве пяцігодкі.

Хуткасную чатырохпалосную магістраль Гродна — Мінск працягласцю 272 км плануецца пабудаваць да канца года, яна будзе мець магутнасць 15 тыс. транспартных сродкаў у суткі. Шырыня палатна складзе амаль 30 метраў. Прадугледжаны бетонныя агароджы на раздзяляльнай паласе, прагоны для дзікіх жывёл, з'явяцца аб'екты прыдарожнага сэрвісу. Траса
Гродна — Мінск — гэта асноўная частка праекта па мадэрнізацыі транзітнага калідора «Аўтамабільная дарога М6 Мінск — Гродна — мяжа Рэспублікі Польшча (Брузгі)», які крэдытуецца Сусветным банкам. На дадзены ўчастак адведзена 111 млн долараў. Поўнасцю праект плануецца завяршыць у 2019 годзе.

Маргарыта УШКЕВІЧ

margo@zviazda.by

Выбар рэдакцыі

Грамадства

Ежа як лякарства. Што з'есці, каб стаць здаравейшым?

Ежа як лякарства. Што з'есці, каб стаць здаравейшым?

Мы вырашылі распытаць спецыяліста.  

Грамадства

Міністр ЖКГ Андрэй Хмель: Спажыўца паслугі трэба пачуць і зразумець

Міністр ЖКГ Андрэй Хмель: Спажыўца паслугі трэба пачуць і зразумець

Аб за­крыц­ці па­лі­го­наў, уплы­ве ка­ра­на­ві­ру­са, за­клі­ках да не­пла­ця­жу за ка­му­наль­ныя па­слу­гі і най­блі­жэй­шых перс­пек­ты­вах.

Грамадства

У Гродне завяршаецца першы этап рэстаўрацыi Старога замка

У Гродне завяршаецца першы этап рэстаўрацыi Старога замка

Стары замак нiколi не меў завершанага выгляду. Яго неаднаразова аднаўлялi i рэканструявалi, таму яго архiтэктура ўтрымлiвае ў сабе стылi некалькiх эпох.

Грамадства

Непаўналетнiя ў крымiнальным працэсе: практычныя нюансы

Непаўналетнiя ў крымiнальным працэсе: практычныя нюансы

Пра асаблiвасцi абароны правоў дзяцей-правапарушальнiкаў (затрыманне, прымяненне мер стрымлiвання, следчыя дзеяннi) расказалi эксперты падчас аднаго з вэбiнараў, якiя сумесна з Рэспублiканскай калегiяй адвакатаў Дзiцячы фонд ААН (ЮНIСЕФ) у Беларусi арганiзаваў яшчэ летам.