Вы тут

Дваццаць тры студатрады сфарміраваныя Штабам працоўных спраў БРСМ БДУ


Дваццаць тры студэнцкія атрады сфарміраваныя Штабам працоўных спраў БРСМ БДУ. Трынаццаць з іх будуць аказваць сэрвісныя паслугі, шэсць — педагагічныя, а чатыры зоймуцца сельскагаспадарчымі відамі работ.


Больш за 300 студэнтаў універсітэта ўжо прыступілі да работы. Маладыя людзі працуюць у вучэбна-доследным рэспубліканскім унітарным прадпрыемстве «Шчомысліца» БДУ, у спартыўна-аздараўленчым комплексе БДУ «Брыганціна», дзіцячым аздараўленчым лагеры «Гарызонт», а таксама ў сацыяльным цэнтры для дзяцей-інвалідаў «Парастак».

У ліпені юнакі і дзяўчаты зоймуцца добраўпарадкаваннем і падрыхтоўкай студэнцкіх інтэрнатаў да новага навучальнага года. Таксама ў перыяд прыёмнай кампаніі студэнты БДУ будуць прыцягвацца для арганізацыі працы грамадскай камісіі.

У жніўні студатрады накіруюцца ў Мінскае раённае ўнітарнае прадпрыемства «Агракамбінат «Ждановічы» для збору ўраджаю.

Яшчэ адзін зусім новы фронт работ — Фундаментальная бібліятэка БДУ, дзе будуць у жніўні працаваць каля 50 чалавек. Задача хлопцаў і дзяўчат — папаўняць і абнаўляць даныя прафесарска-выкладчыцкага саставу БДУ ў інтэрнэт-энцыклапедыі «Вікіпедыя». Не сакрэт, што адным з крытэрыяў, які бярэцца пад увагу ў міжнародных рэйтынгах універсітэтаў, з'яўляецца «бачнасць» ВНУ ў інтэрнэт-прасторы.

Працоўны семестр у БДУ, як правіла, доўжыцца да канца жніўня.

Надзея НІКАЛАЕВА

nіkаlаеvа@zvіаzdа.bу

Фота Надзеі БУЖАН

Загаловак у газеце: Працоўны дэсант... у «Вікіпедыю»

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.