Вы тут

Кірмаш "Малы бізнес у фестывальным Віцебску" пройдзе 11-19 ліпеня


Сямнаццаты рэспубліканская выстава-кірмаш "Малы бізнес у фестывальным Віцебску" пройдзе з 11 па 19 ліпеня, паведамілі арганізатары.


Фота: vitebsk.biz

Мерапрыемства будзе праводзіцца падчас XXVI Міжнароднага фестывалю мастацтваў "Славянскі базар у Віцебску". Кірмаш арганізуюць у мэтах стымулявання развіцця малога і сярэдняга бізнесу, канкурэнтнага асяроддзя, прасоўвання тавараў і паслуг, ўстанаўлення кааперацыі паміж айчыннымі і замежнымі прадстаўнікамі малога і сярэдняга бізнесу.

Прадпрыемствы розных сфер, якія вырабляюць тавары народнага спажывання, стануць удзельнікамі выставы-кірмашу. Экспаненты прадставяць шырокі выбар беларускіх тавараў: адзенне, вырабы з футра, абутак, хатні тэкстыль, хрусталь, галантарэйныя вырабы, сувенірную прадукцыю і інш. "Кірмаш - дадатковая магчымасць прасоўвання тавараў беларускіх вытворцаў. Тым больш, што падчас "Славянскага базару" ў Віцебск прыязджае мноства гасцей, у тым ліку замежных", - падкрэслілі арганізатары.

Павільёны размесцяцца на пляцоўцы каля культурна-гістарычнага комплексу "Залатое кальцо горада Віцебска "Дзвіна" (выставачны павільён плошчай 500 кв.м) і ў самым цэнтры горада па вуліцы Замкавай.

Арганізатары выставы-кірмашу - Віцебскі аблвыканкам, Віцебскі гарвыканкам, ККУП "Віцебскі абласны цэнтр маркетынгу".

БЕЛТА

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.