24 верасня, чацвер

Вы тут

Беларус загінуў пры выратаванні дзяцей у Іспаніі


Супрацоўнік аднаго са сталічных падраздзяленняў Дэпартамента аховы МУС Беларусі загінуў у іспанскім горадзе Алікантэ. Там міліцыянер праводзіў адпачынак разам з сям'ёй, паведамілі ў міністэрстве.


Мужчына ратаваў сваіх малалетніх дзяцей, якіх падчас купання раптоўна стала зносіць марскім цячэннем. Малыя не пацярпелі.

У цяперашні час кіраўніцтва Дэпартамента аховы МУС робіць усё неабходнае для аказання дапамогі сваякам праваахоўніка. Па інфармацыі Міністэрства замежных спраў Беларусі, пасольствам Беларусі ў Іспаніі пры садзейнічанні ганаровага консула Беларусі ў Алікантэ праводзяцца мерапрыемствы па арганізацыі дастаўкі цела на радзіму.

Супрацоўніку было 40 гадоў, каля 20 з якіх ён аддаў службе ў органах унутраных спраў. Характарызаваўся станоўча. Прадумана і адказна ставіўся да выканання сваіх абавязкаў, у складанай аператыўнай абстаноўцы прымаў правільныя самастойныя рашэнні, праяўляў разумную ініцыятыву, за што неаднаразова ўзнагароджваўся.

Сяргей РАСОЛЬКА

rs@zviazda.by

Загаловак у газеце: Загінуў пры выратаванні дзяцей у Іспаніі

Выбар рэдакцыі

Грамадства

Як бяздзетнай пары завесцi дзiця?

Як бяздзетнай пары завесцi дзiця?

У гэтым праекце знаёмім вас з бяздзетнымi парамi, якiя хацелі, але праз стан свайго здароўя не маглі мець дзяцей.

Культура

Аляксандр Радзькоў. З кнігі «Мой фiзмат»

Аляксандр Радзькоў. З кнігі «Мой фiзмат»

Працягваем публікаваць урыўкі з кнігі.

Грамадства

Марына Мулявiна: Пасля разводу бацькi заставалiся блiзкiмi людзьмi

Марына Мулявiна: Пасля разводу бацькi заставалiся блiзкiмi людзьмi

Дачка галоўнага «песняра» распавяла пра сямейныя традыцыi.