Прадпрыемствы Гомельскай вобласці прадставяць лепшыя ўзоры сваёй прадукцыі на кірмашы-выставе, якая будзе арганізавана на IV Форуме рэгіёнаў Расіі і Беларусі 29-30 чэрвеня ў Маскве. Пра гэта паведаміла начальнік аддзела міжнароднага супрацоўніцтва камітэта эканомікі Гомельскага аблвыканкама Ірына Давыдзенка.
Гомельшчына дэлегуе на форум Добрушскі фарфоравы завод, "Спартак", "Гомельхлебпрам", Гомельскае райпо, а таксама прадпрыемствы мясной і малочнай галін. "Вырабы гэтых суб'ектаў гаспадарання добра вядомыя ў большасці рэгіёнаў Расіі, карыстаюцца высокім попытам. Наведвальнікі выставачных павільёнаў змогуць не толькі азнаёміцца з асартыментам прадукцыі, але таксама набыць яе", - адзначыла Ірына Давыдзенка.
Акрамя таго, у тэматычнай беларускай экспазіцыі свае распрацоўкі прадставяць "СветлагорскХімвалакно", Мазырская швейная фабрыка "Надэкс", "8 сакавіка", Гомельскі дзяржаўны тэхнічны універсітэт імя П.В.Сухога, Гомельскі машынабудаўнічы каледж.
Дэлегацыю Гомельскай вобласці ўзначаліць старшыня абласнога Савета дэпутатаў Алег Барысенка. Плануецца, што ў час форуму будзе падпісана пагадненне аб супрацоўніцтве паміж Заканадаўчым сходам Арэнбургскай вобласці і Гомельскім абласным Саветам дэпутатаў.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!