Беларусь абмежавала ўвоз птушкі з Заходняй Фландрыі (Бельгія) з-за высокапатагеннага грыпу птушак, паведамілі ў Дэпартаменце ветэрынарнага і харчовага нагляду Мінсельгасхарча.
Па дадзеных Міжнароднага эпізаатычнага бюро, на тэрыторыі Заходняй Фландрыі ў Бельгіі зарэгістраваны выпадак захворвання птушак на высокапатагенны грып.
У сувязі з гэтым з 21 чэрвеня ўведзены часовыя абмежаванні на ўвоз у Беларусь з правінцыі Бельгіі жывой птушкі, інкубацыйнага яйка, дзікіх, заапарковых і цыркавых жывёл, мяса птушкі, яечнага парашку, меланжу, альбуміна і іншых харчовых прадуктаў перапрацоўкі курынага яйка, пуху і пяра, кармоў і кармавых дабавак з птушкі, кармоў і кармавых дабавак расліннага паходжання, паляўнічых трафеяў (птушыную дзічыну), а таксама былога ва ўжыванні абсталявання для перавозкі птушкагадоўчай прадукцыі, утрымання, забою і раздзелкі птушкі.
Грып птушак - кантагіёзная хвароба, якая характарызуецца прыгнётам, ацёкамі, паразай органаў дыхання, стрававання. Эканамічны ўрон ад яго вялікі ў сувязі з масавай гібеллю тых птушак, якія захварэлі, неабходнасцю жорсткіх каранцінных і ветэрынарна-санітарных мерапрыемстваў, уключаючы знішчэнне хворай птушкі.
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
