Вы тут

Як у Ракаве святкуюць Купалле


У аграгарадку Ракаў Валожынскага раёна ў ноч з 24 на 25 чэрвеня шырока адзначалася фальклорнае свята з нагоды летняга сонцастаяння, якое ў народзе называюць Купаллем.


Менавіта ў гэтыя дні сонца дасягае свайго апагея і паварочвае на восень. У адпаведнасці з земляробчым календаром славян — нашых продкаў, — ракаўцы ўжо не першы год наладжваюць купальскі абход паселішча, заклікаючы жыхароў на свята.

Само святочнае дзейства адбываецца на старажытным гарадзішчы каля ракі Іслач. Дзяўчаты і хлопцы, упрыгожаныя вянкамі з палявых кветак, апранутыя ў народныя строі, водзяць карагоды вакол вогнішча і спяваюць аўтэнтычныя абрадавыя песні, услаўляючы росквіт прыроды і аддаючы пашану нашым далёкім продкам. Гэтым разам гаспадаром купальскай ночы быў вядомы гурт «Гасцінец» — захавальнік і папулярызатар песеннай і абрадавай спадчыны, да яго далучыліся маладзёжныя фальклорныя гурты са сталіцы і школьнікі з вёскі Путчына Дзяржынскага раёна, студэнты Беларускага дзяржаўнага ўніверсітэта культуры і мастацтваў. Усю ноч гучалі мелодыі і найгрышы на народных інструментах у выкананні самабытных музыкаў.

Анатоль Кляшчук,

фота аўтара

Загаловак у газеце: Летняя ночка купальная

Выбар рэдакцыі

Культура

Адэльск: турыстычная Мекка на прыграніччы

Адэльск: турыстычная Мекка на прыграніччы

Адэльск — унікальнае месца. Ціхая вёска на самым ускрайку заходняй мяжы становіцца з кожным годам усё больш знакамітай.

Грамадства

Як хутка людзі змогуць стаць менш агрэсіўнымі?

Як хутка людзі змогуць стаць менш агрэсіўнымі?

 Псіхолаг Раман Кручкоў упэўнены, што на самай справе агрэсія ўласціва ўсім людзям.  

Грамадства

Археалагічны комплекс «Бярэсце» стане першай пляцоўкай святкавання тысячагоддзя

Археалагічны комплекс «Бярэсце» стане першай пляцоўкай святкавання тысячагоддзя

Археалагічны музей «Бярэсце» і навакольная тэрыторыя перажываюць вялікае абнаўленне. 

Культура

Існавала павер'е, што на Русальны тыдзень нельга хадзіць у лес

Існавала павер'е, што на Русальны тыдзень нельга хадзіць у лес

«Прыйшло лета, спякота, і мы ўсё часцей і часцей ідзём на рэчку».