Вы тут

Міжнародная летняя школа беларусістыкі стартуе 4 ліпеня ў РІВШ БДУ


Сёлета мерапрыемства прымеркаванае да 500-годдзя беларускага кнігадрукавання.


Фота: chulan.kiev.ua

Слухачамі школы стануць 60 грамадзян Індыі, Украіны, Японіі, Венгрыі, Чэхіі, Германіі, Кітая, Расіі, Грузіі, ЗША, Інданезіі, Іспаніі, Латвіі, Літвы, Польшчы, Славакіі, Сербіі і Швецыі.

Навучанне будзе праходзіць па трох праграмах “А”, “В” і “С”, якія разлічаны на розную моўную падрыхтоўку і веды ўдзельнікаў. Будуць створаны дзве групы для жадаючых вывучаць беларускую мову з “нуля”.

Усе праграмы ўключаюць па 40 гадзін лекцыйных і столькі ж практычных заняткаў па фанетыцы, граматыцы, развіццю вуснай і пісьмовай мовы, а таксама спецыяльныя лекцыйныя курсы па розных аспектах беларускай мовы, гісторыі і культуры. А для слухачоў, якія навучаюцца па праграме “С”, дадаткова прадугледжаны індывідуальныя заняткі па ўдасканаленні беларускай мовы.

Культурная праграма для замежных гасцей насычаная і ўключае наведванне музеяў Беларусі, экскурсію ў старажытны Полацк, удзел у мерапрыемствах, прысвечаных галоўнаму дзяржаўнаму святу нашай краіны — Дню Незалежнасці. Сюрпрызам для слухачоў стане іх удзел у свяце "Купалле", якое пройдзе ў ноч з 6 на 7 ліпеня ў Беларускім народным музеі народнай архітэктуры і побыту ў Строчыцах.

Урачыстае закрыццё Міжнароднай школу беларусістыкі адбудзецца 15 ліпеня.

Надзея НІКАЛАЕВА

Выбар рэдакцыі

Спорт

Сёння стартуе адзін з найстарэйшых турніраў Еўропы

Сёння стартуе адзін з найстарэйшых турніраў Еўропы

111-ы чэмпіянат Еўропы па фігурным катанні пачынаецца на «Мінск-Арэне» жаночымі выступленнямі адзіночак. 

Грамадства

Жыхаркі Аршаншчыны ўдзельнічаюць у праекце «Прадпрымальная землеўласніца»

Жыхаркі Аршаншчыны ўдзельнічаюць у праекце «Прадпрымальная землеўласніца»

Вёска з цяпліц, лабараторыя па вырошчванні раслін у прабірках, лекцыя па фінансавай адукаванасці...

Грамадства

Які няякасны тавар можна сустрэць у магазінах?

Які няякасны тавар можна сустрэць у магазінах?

Вось вы, напрыклад, ведаеце, што не так у дзіцячым адзенні турэцкага вытворцы?