Штотыдзень у эфiры тэлеканала «Беларусь 3» гульня «Размаўляем па-беларуску». Для таго каб стаць яе ўдзельнiкамi, неабходна зайсцi на сайт tvrgоmеl.bу або 3bеlаrus.bу i праз банер «Размаўляем па-беларуску» запоўнiць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфiр, можна з дапамогай «Звязды».
Ці ведалі вы, што:
рато́нда — круглая пабудова, акружаная калонамі, упрыгожаная купалам.
парка́ль — баваўняная тканіна з набіўным малюнкам. Слова мае французскія карані.
фанфаро́н (разм.) — самахвал. На такога чалавека можна яшчэ сказаць выхваляка або хвалько.
балаго́л (устарэлае) — чалавек, які перавозіць грузы, людзей на фурма́нцы.
ры́нка — чыгунная пасудзіна на ножках з доўгай ручкай.
сіне́ль — шнурок з ворсам для вышывання. Паходзіць слова з французскай мовы.
пляваць у столь — нічога не рабіць, гультайнічаць. Беларусы яшчэ скажуць: адлежваць бакі, валяць дурня, вераб'ям дулі паказваць, біць лынды, бібікі, байды, тылылы... Рускія: считать ворон, сачка давить.
пець дыфірамбы — празмерна ўсхваляць, вельмі высока ўзносіць каго-небудзь. Беларускія адпаведнікі: узносіць да нябёс, курыць фіміям. Рускія: поднимать на щит, петь осанну, расточать похвалы.
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!