Вы тут

Медыйная беларуска-расійская прастора пашыраецца і ў рэгіёнах Расіі


У час работы ІV Форума рэгіёнаў Беларусі і Расіі ў Маскве міністр інфармацыі Рэспублікі Беларусь Лілія Ананіч і начальнік інфармацыйна-аналітычнага ўпраўлення Кастрамской вобласці Ірына Жабко падпісалі Мемарандум аб супрацоўніцтве ў галіне друку і інфармацыі.


Несумненна, стварэнне такой прававой базы паспрыяе пашырэнню медыйных стасункаў Кастрамской вобласці з Беларуссю. Дакумент змяшчае палажэнне аб узаемавыгадным супрацоўніцтве ў галіне сродкаў масавай інфармацыі, кнігавыдання, паліграфіі і распаўсюджвання друкаванай прадукцыі. Таксама прадугледжваецца абмен дэлегацыямі экспертаў і спецыялістаў кніжнай галіны, СМІ, журналістаў розных выданняў.

— Вельмі важна не абмінуць пытанне абмену дэлегацыямі з мэтай вывучэння вопыту адзін у аднаго, а таксама ўдзел у кніжных і медыйных выстаўках, — каменціруе падпісанне пагаднення міністр інфармацыі Рэспублікі Беларусь Лілія Ананіч. — Мы добра знаёмыя з Кастрамской вобласцю як партнёрам Беларусі ў знешнеэканамічнай дзейнасці. Лічу, што варта развіваць і медыйнае супрацоўніцтва, каб шырэй расказаць у гэтым расійскім рэгіёне пра сацыяльны, грамадска-палітычны складнік развіцця сённяшняй Беларусі, пра галоўныя ідэі будаўніцтва нашай дзяржавы.

Арганізатары традыцыйнага Форуму рэгіёнаў — Савет Рэспублікі Нацыянальнага сходу Рэспублікі Беларусь і Савет Федэрацыі Расіі. Кніжны стэнд ад Беларусі на выстаўцы, якая працуе ў фармаце работы Форуму, наведалі Міхаіл Мясніковіч і Валянціна Мацвіенка. Беларускія кнігавыдаўцы даволі падрабязна расказалі высокім гасцям пра здабыткі апошняга часу, пра тое, што зроблена да 500-годдзя беларускага кнігадрукавання.

Міністр інфармацыі Лілія Ананіч выступіла з дакладам на адной з секцый ІV Форуму рэгіёнаў Беларусі і Расіі, дзе падрабязна выклала асноўныя стратэгічныя кірункі ў развіцці медыйных стасункаў на прасторы Саюзнай дзяржавы Беларусі і Расіі.

Сяргей Шычко

Загаловак у газеце: Партнёраў усё больш

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.