Вы тут

Ці будуць унесеныя змены ў Дагавор аб стварэнні Саюзнай дзяржавы?


Чацвёрты раз адбылося пасяджэнне міжпарламенцкай камісіі верхніх палат беларускага і расійскага парламента па міжрэгіянальным супрацоўніцтве. Па выніках яго члены Савета Рэспублікі Нацыянальнага сходу Беларусі і Савета Федэрацыі Федэральнага сходу Расіі дамовіліся правесці маніторынг выканання дагавора аб стварэнні Саюзнай дзяржавы Беларусі і Расіі і адпаведнасці яму нацыянальных заканадаўстваў.


«Мэта гэтага маніторынгу — паглядзець, што выконваецца, што не выконваецца. Бо дагавор аб стварэнні Саюзнай дзяржавы ні разу не пераглядаўся. За гэты час нешта страціла сваю актуальнасць, штосьці ўжо выконваць не трэба. Гэтыя пункты неабходна ўжо скасаваць. Ці ўключыць нейкія новыя пункты, каб узбагаціць гэты дагавор», — лічыць Мар'яна Шчоткіна, намеснік старшыні Савета Рэспублікі.

Пры гэтым віцэ-спікер адзначыла, што казаць пра тое, што ў дагавор могуць быць унесены змены, заўчасна: «Давайце казаць пра тое, што магчымая выпрацоўка прапаноў па карэкціроўцы, якія будуць пакладзены ў аснову далейшай працы», — сказала яна. Маніторынг плануецца правесці сумесна з Пастаянным камітэтам Саюзнай дзяржавы.

Акрамя таго, на пасяджэнні быў разгледжаны вынік экспертызы нацыянальных заканадаўстваў Беларусі і Расіі ў галіне правядзення скаардынаванай прамысловай палітыкі. Былі выяўлены не толькі праблемы, але і шляхі іх вырашэння.

Пакуль пасяджэнні міжпарламенцкай камісіі праходзяць раз на год падчас Форуму рэгіёнаў, аднак не выключана, што ў далейшым такія сустрэчы будуць адбывацца часцей.

Вераніка ПУСТАВІТ

pustavіt@zvіazda.by

Загаловак у газеце: Час выпрабоўвае дакументы

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.