З бягучага года маладыя людзі, якія паступаюць у Белдзяржуніверсітэт, змогуць не толькі загадзя запоўніць электронную анкету і раздрукаваць сваю заяву. Цяпер у іх з'явілася таксама і магчымасць загрузіць сваю фатаграфію, што дазволіць значна скараціць час падачы і афармлення дакументаў. Фактычна з гатовым пакетам дакументаў абітурыент можа звяртацца адразу ў прыёмную камісію свайго факультэта, абмінаючы зону грамадскай камісіі па выдачы і запаўненню бланкаў, а таксама фатаграфаванню.
Нагадаем, што асабісты кабінет дазваляе абітурыентам на працягу ўсёй прыёмнай кампаніі ў анлайн-рэжыме на асабістых камп'ютарах, планшэтах і смартфонах адсочваць падрабязную інфармацыю аб бягучым прахадным бале на абраную спецыяльнасць. Па завяршэнні набору ў асабістым кабінеце адлюстроўваюцца звесткі аб залічэнні.
Акрамя таго, уладальнікам асабістага кабінета прадастаўляецца свабодны і бясплатны доступ да інтэрнэт-рэсурсаў БДУ. Для гэтага на тэрыторыі ўніверсітэцкага гарадка разгорнута бесправадная сетка ABIT.
Стварыць асабісты кабінет можна на сайце БДУ.
Надзея НІКАЛАЕВА
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
