Штотыдзень у эфіры тэлеканала «Беларусь 3» — тэлевіктарына «Размаўляем па-беларуску». Для таго, каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».
Ці ведалі вы, што:
вало́к — доўгая града згрэбенага сена, збажыны.
таўчо́нік (размоўнае) — блін з тоўчанай бульбы.
тор — дарога, след, пакінуты калёсамі. «Брук на дарозе ляжаў няроўны, калдобісты, месцамі яго зусім неставала, і тор ад калёс зварочваў з абочыны на сярэдзіну шашы», — чытаем у Івана Пташнікава.
тузлу́к — раствор солі для засолу прадуктаў. Слова мае цюркскае паходжанне.
ло́вы — паляванне без зброі.
мэ́ндлік — кучка снапоў, пастаўленых для прасушкі. Паходзіць ад нямецкага Mandel.
прадаваць зубы — весела смяяцца, рагатаць без дай прычыны. Беларускія адпаведнікі: выскаляць зубы, сушыць зубы. Рускія: зубы греть на солнце, скалить зубы.
з плеч ды ў печ — 1) рабіць нядбала, абы-як; 2) бестурботна жыць, не клапоцячыся пра заўтра. Беларусы яшчэ скажуць: абы з рук, цераз пень-калоду, спусціўшы рукавы, з пятага на дзясятае, так-сяк накасяк... Рускія: спустя рукава.
Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.
Ірына АСТАШКЕВІЧ
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
