Калі вы маладыя і таленавітыя, то ў вас ёсць добрая магчымасць паўдзельнічаць у першым расійска-беларускім злёце творчай моладзі «У руху» на тэрыторыі Смаленскай вобласці.
Як паведамілі ў адміністрацыі Смаленска, на злёт запрашаюцца расіяне і беларусы ва ўзросце ад 14 да 25 гадоў. У праграме запланаваны майстар-класы і абмен інфармацыяй па розных напрамках (танец, вакал, акцёрскае і прамоўніцкае майстэрства, музыка і гэтак далей). Выдаткі па харчаванні і пражыванні ўдзельнікаў бярэ на сябе Смаленская абласная грамадская арганізацыя Расійскага саюза моладзі.
Гэта мерапрыемства — працяг сумеснага расійска-беларускага маладзёжнага праекта, які стартаваў сёлета ў Смаленску пад назвай Фестываль сучаснай творчасці «Насустрач да зорак». Ён накіраваны на ўмацаванне і пашырэнне двухбаковага супрацоўніцтва, падтрымку і папулярызацыю сучаснага мастацтва сярод моладзі Расіі і Беларусі, стварэнне ўмоў для прасоўвання крэатыўных творчых праектаў падрастаючага пакалення.
Злёт творчай моладзі будзе праходзіць з 7 па 11 жніўня, але заяўку для ўдзелу ў ім неабходна запоўніць да 15 ліпеня. Для гэтага трэба зайсці на афіцыйны сайт мерапрыемства.
Там жа размешчана дадатковая інфармацыя аб падзеі.
Нэлі ЗІГУЛЯ
Інтэрв'ю з алімпійскім чэмпіёнам па фехтаванні.
Прафесійна, аператыўна, па-добраму.
