23 Чэрвень, субота

Вы тут

Парламентарыі АБСЕ разгледзелі пытанні сямейных каштоўнасцяў


На дзелавым абедзе, які адбыўся ў Мінскай духоўнай семінарыі паралельна мерапрыемству па гендэрных пытаннях, прыняла ўдзел каля 20 парламентарыяў ПА АБСЕ. Мерапрыемства, якое прайшло толькі ў другі раз – раней яно адбылося ў Грузіі, было арганізавана па ініцыятыве члена Палаты дэпутатаў Італьянскай Рэспублікі ад партыі "Ліга Поўначы" Клаўдыё Д'АМІКА.


– Мы выступаем за захаванне традыцыйных сямейных каштоўнасцяў і аб'яднанне парламентарыяў ПА АБСЕ па гэтым пытанні, – адзначыў дэпутат. – Натуральная сям'я – гэта саюз паміж мужчынам і жанчынай. Сёння, як мы бачым, у еўрапейскіх краінах прасоўваецца ідэя аб стварэнні аднаполых сем'яў. У той жа час у дзіцяці павінны быць і маці, і бацька.

Паводле яго слоў, у многіх краінах ёсць людзі, якія падтрымліваюць рух за захаванне традыцыйнай сям'і. І асноўная мэта сёння – дазволіць такім людзям выказаць сваё меркаванне, даць ім права голасу.

– На мой погляд, сёння мы сапраўды пішам старонку гісторыі, таму што за сталом сабраліся прадстаўнікі самых розных краін – гэта і Расія, і ЗША, і Беларусь, і Швейцарыя, і Швецыя, і прадстаўнік Святога Прастола з Ватыкана, і іншыя краіны, – адзначыў  генеральны сакратар Парламенцкай асамблеі АБСЕ Раберта МАНТЭЛА. – І мы сабраліся тут не для таго, каб змагацца, а каб прыйсці да мірнага пагаднення.

Дарэчы, генеральны сакратар ПА АБСЕ ўпершыню прыняў удзел у падобнай сустрэчы.

Па словах айца Паўла, аднаго з арганізатараў сустрэчы, сёння людзям надзвычай цяжка пачуць адзін аднаго, таму прыходзіцца прыкладаць масу намаганняў, каб дамовіцца. "А любую дамоўленасць неабходна змацоўваць трапезай. Я шчаслівы, што ёсць нямала людзей, якія  прытрымліваюцца пераемнасці гістарычнай памяці ў такой арганізацыі, як АБСЕ. Традыцыйная сям'я, як саюз мужчыны і жанчыны, – гэта апошняя крэпасць нашай чалавечнасці", – дадаў айцец Павел.

Уладзіслаў ЛУКАШЭВІЧ

Загаловак у газеце: Апошняя крэпасць чалавечнасці

Дадаць каментар

Выбар рэдакцыі

Культура

Топ беларускіх дыялектызмаў, якія вы маглі не ведаць

Топ беларускіх дыялектызмаў, якія вы маглі не ведаць

Нязвыклая форма — заўсёды штуршок для пошуку.

Культура

Як мог выглядаць Мінск? Ведае беларускі архіў

Як мог выглядаць Мінск? Ведае беларускі архіў

Дзе замежнікі вывучаюць савецкую архітэктуру.

Культура

У Вілейцы можна ўбачыць станок, аналагічны таму, за якім працаваў Скарына

У Вілейцы можна ўбачыць станок, аналагічны таму, за якім працаваў Скарына

Ёсць тут зала друкаванай прэсы. Аднак асаблівую цікавасць, безумоўна, выклікае ў экспазіцыі друкарскі варштат.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра бунт малога, выпадак на ферме і цікавае выступленне на вяселлі.