Збор за 2015 год вяртаюць тым, хто ўладкаваўся на працу. Пра гэта расказала намеснік міністра па падатках і зборах Святлана ШАЎЧЭНКА.
Такое даручэнне было дадзена Прэзідэнтам яшчэ падчас нарады 9 сакавіка. Тады ж было вырашана да канца года не спаганяць падатак на фінансаванне дзяржвыдаткаў.
Колькім грамадзянам ужо вярнулі збор, сказаць складана. «Распараджэнне толькі прынята, і мы літаральна днямі прыступілі да работы», — растлумачыла Святлана Шаўчэнка. Для таго каб вярнуць грошы, неабходна звяртацца ў мясцовыя падатковыя органы.
Цяпер міжведамасная працоўная група пры Савеце Міністраў падрыхтавала новую канцэпцыю Дэкрэта №3 і прадставіла яе на разгляд у Адміністрацыю Прэзідэнта. Сярод асноўных кірункаў — садзейнічанне занятасці і выкананне комплексу мер, каб задзейнічаць у эканоміцы асоб, што вядуць асацыяльны лад жыцця.
Намеснік міністра заўважыла, што ёсць катэгорыя грамадзян, якія свядома ўхіляюцца ад падаткаў. Таму ведамства лічыць неабходным ствараць такія ўмовы, калі б людзям было выгадна выконваць свае падатковыя абавязкі. Напрыклад, мяркуецца пашырыць пералік дзейнасці, якая адносіцца да рамесніцкай.
Наталля ЛУБНЕЎСКАЯ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
